1 Korintians 14:4 - Holy Bible Nigerian Pidgin English

⁴ Pesin wey dey tok with difren language, dey help ensef. But di one wey dey profesai, dey help di church.

1 Korintians 14:4 ပူးပေါင်းရင်းမြစ်များ

Mark 16:17

Dis signs go follow pipol wey bilive: With my name, dem go drive demon komot from pipol body; dem go speak new language wey dem nor learn;

Romans 14:19

So, make wi live for peace, den wi go help each oda grow as dem dey serve God.

1 Korintians 12:10

Di Spirit dey give odas di pawa to do mirakle and e make some pipol profets and some dey fit know wen God Spirit dey among us. Odas dey tok with difren-difren language and some among us go tell una wetin di tins wey dem dey tok, mean.

1 Korintians 12:28

So for di church, God first choose apostles, before profets and tishas. E still choose some wey dey do mirakle, odas wey dey heal sick pipol, some wey bi leaders and odas wey dey tok with difren-difren language.

1 Korintians 13:1

If I dey tok di language wey human being and angels dey tok;

1 Korintians 13:2

if I dey profesai and fit undastand evry sekret and knowledge or if I get faith wey fit move mountins and I nor love oda pipol, I go bi nor-tin.

1 Korintians 14:12

Na so e bi with una too. If una really wont di gift wey di Spirit dey give, make una choose di one wey di church go gain from.

1 Korintians 14:22

So, language wey odas nor undastand, fit mean sometin to pipol wey nor bilive, but nor bi to pipol wey bilive.

1 Korintians 14:26

My friends, wen una gada to woship, una must do evritin to help one anoda. Na so e suppose bi wen somebody dey tish, sing, profesai, tok with difren-difren language or dey esplain wetin di pesin tok.

1 Korintians 14:3

But wen una profesai, pipol go undastand una and odas go help una. Dem go get konfort kon dey okay.

1 Korintians 14:5

I for like make all of una dey tok with difren language, but I wont make una dey profesai. Bikos profesy go do una more good, dan sey una dey tok with difren language wey pipol nor fit undastand, unless somebody esplain di meaning give di pipol for di church.