1 Korintians 13:4 - Holy Bible Nigerian Pidgin English

⁴ Love dey kind and patient, e nor dey jealous or boast

1 Korintians 13:4 ပူးပေါင်းရင်းမြစ်များ

Jenesis 30:1

Wen Rashel si sey e nor fit born shidren for en husband, e kon dey jealous Leah, en sista. Den e tell Jakob, “Make yu give mi shidren or I go die!”

Jenesis 37:11

Josef brodas kon dey jealous am, but wetin Josef tok, en papa keep am for mind.

Nehemaya 9:17

Dem nor gri obey; dem forget all wetin Yu don do; dem forget di mirakles wey Yu do and bikos of dia pride, dem choose leaders wey take dem go back to Egypt as slave. But Yu bi God wey dey forgive. Yu dey good and dey sorry for pesin. Yu nor dey kwik vex and yor royal love nor dey fail. Yu nor abandon dem at-all

Psalms 10:5

Dem dey prosper for evritin wey dem dey do. Dem nor dey si yor ponishment wey dey wait dem. Dem dey laf doz wey bi dia enemies.

Proverbs 10:12

Na only trobol bad belle dey kause, but love dey kover evry sin.

Proverbs 13:10

To dey karry body up, dey kause wahala, but doz wey dey take advise, wise well-well.

Proverbs 17:14

To start kworel bi like wen yu leave wota make e dey rush; so e go good make yu stop am, before e go kause big wahala.

Proverbs 17:9

If yu wont make pipol like yu, den forgive dem if dem do yu bad. Remember sey bad tin fit skata friendship.

Proverbs 19:22

Wetin important pass na to dey loyal. E betta make yu dey poor, den to dey lie waka.

Proverbs 31:20

E dey always give tins to poor pipol and to doz wey know get at-all.

Proverbs 31:26

E dey tok with betta sense and wisdom full en mout.

Ekklesiastes 10:4

If yor oga dey vex for yu, make yu nor vex stop di work wey yu dey do, bikos gentol spirit dey korrect big mistake.

Matiu 27:18

(Bikos Pilate know sey na jealousy make dem bring Jesus Christ kom meet am.)

Acts 7:9

Jakob shidren wey bi awa grand-grand papa dem, bikos dem dey jealous Josef dia broda, dem kon sell am as slave go Egypt, but God dey with am

Romans 1:29

Wetin full dia mind na wikedness, evil tins, long-trot, bad belle, bad-bad tins; jealousy, to kill and fight, to lie, to keep enemy with pipol, to judge pipol waka,

Romans 13:13

So make wi dey bihave well as pipol dey do for day time. Nor go anyhow party or drink too mush, den kon dey bihave anyhow. Nor kworel or judge pipol.

1 Korintians 3:3

bikos una neva get di Spirit since jealousy and kworel still dey among una. Dis mean sey una neva get di Spirit and una still dey live like pipol wey dey di world.

1 Korintians 4:18

Some among una don dey karry body up, bikos una tink sey I nor go kom back again.

1 Korintians 4:6

My friends, I don use mysef and Apollos as ezample for una, so dat thru us, una go know wetin e mean to obey di law. I nor wont make una dey sey one of us betta pass di oda pesin.

1 Korintians 5:2

And shame nor even dey katch una! Una suppose to feel bad kon drive di pesin wey do dis kind tin.

1 Korintians 8:1

For di leta wey una rite, una ask mi about juju food. And all of us know sometin koncerning dis matter. But if wetin wi know, dey make us dey proud, den bikos of love, wi suppose help one anoda.

2 Korintians 12:20

Bikos I dey fear sey wen I kom, I nor go like wetin I go si and una nor go like as I go tok. I dey fear sey una go dey kworel, dey jealous each oda; dey vex; dey tink of only unasef; dey tok bad about each oda; dey do aproko; dey karry body up and dey bihave anyhow.

2 Korintians 6:6

Wi dey do all dis tins with awa klean life, di tins wey wi know; di patient wey wi get; di good wey wi dey do for pipol; di Holy Spirit wey wi get; betta love wey wi show pipol;

Galatians 5:26

Make wi nor dey karry body up and dey do wetin go vex pipol or dey jealous one anoda.

Efesians 4:2

Make una dey get pity for one anoda with kwayetnes, gentolness and patient, bikos of di love wey una get.

Efesians 4:32

Make una dey good to one anoda; dey sorry for pipol and dey forgive each oda, just as God forgive una thru Christ.

Filippians 1:15

True-true, na jealousy and kworel make some dey prish about Christ, but odas dey do am with betta mind.

Kolossians 1:11

Wi still dey pray sey una go dey strong with God pawa wey get glory. Una go show sey una dey patient and get strong mind for God work with happiness.

Kolossians 2:18

Make una nor let doz wey dey pritend and woship angels judge una. Dat kind pesin dey tok anyhow about vishon wey e sey e si, but na yeye tins and sin full en mind.

Kolossians 3:12

So, as pipol wey God don choose, wey holy and wey E love well-well, make una kwik dey sorry for pipol; dey gentol; nor dey karry body up and wear patient like klot for body.

1 Tesalonians 5:14

Wi dey beg una, awa brodas and sistas, make una tell pipol wey dey bihave anyhow sey, wetin dem dey do nor good, den make una help doz wey dey weak, but make una dey patient with evribody.

1 Timoti 6:4

dat pesin dey proud and na only to dey argue and kworel, e know. Dis kind tin nor good, bikos jealousy; kworel; lie-lie; to dey suspet odas anyhow

2 Timoti 2:25

E must dey gentol as e dey korrect pipol wey dey oppoz en prishin and God fit let dis pipol turn from sin kom meet am, so dat dem go know di trut.

2 Timoti 3:10

But yu don know my tishings; di way I dey live my life and why I dey do wetin I dey do: my faith; patient; love and as I dey bear.

2 Timoti 4:2

Make yu dey prish God word and dey ready, weda di time dey okay or not. Make yu use patient take korrect and enkourage yor pipol with betta tishing.

Titus 3:3

Before naw, wi dey bihave like fool; wi nor dey obey; wi dey deceive pipol; wi bi savant to tins wey dey sweet us; wi dey do bad tins and dey jealous odas; pipol hate us and wi hate dem too.

James 4:5

Abi yu tink sey God nor mean wetin E tok wen E sey, “Di Spirit wey I put inside una dey jealous well-well?”

1 Pita 2:1

Make una stop to do bad tin; dey deceive pipol, pritend; dey jealous and tok bad about pipol.

1 Pita 3:8

So, make una live for peace togeda, dey sorry for each oda; love one anoda and nor dey karry body up.

1 Pita 4:8

As una dey do so, make una love for each oda dey strong, bikos love dey kover plenty sins.

2 Pita 1:7

and love una brodas and sistas without parsha.

1 John 4:11

My friends, if God love us like dis, den wi must love each oda.