1 Korintians 11:25 - Holy Bible Nigerian Pidgin English

²⁵ Afta dem chop finish, Jesus take di cup kon sey, “Dis na my blood wey God take make new kovenant with una. Make una always dey drink am to remember mi.”

1 Korintians 11:25 ပူးပေါင်းရင်းမြစ်များ

Exodus 24:6

Moses take half of di blood, pour am inside some basin, den e sprinkol di remainin half on-top di altar.

Exodus 24:8

So Moses take di blood and e sprinkol am for di pipol body kon sey, “Dis na di kovenant blood wey God don make with una akordin to dis word.”

Jeremaya 31:31

God sey, “Di time dey kom wen I go make new kovenant with Israel and Judah pipol.

Luke 22:20

Like dat, Jesus still take di cup afta dem don chop finish kon sey, “Dis cup wey God give una, na di new agriment with my blood.”

1 Korintians 10:16

Wen wi drink from di Oga God Supper cup, dat mean sey wi dey share from Christ blood. Wen wi chop from di bread wey wi divide, dat mean sey wi dey share for Christ body.

1 Korintians 11:24

and afta e don tank God, e divide am kon sey, “Dis na my body wey I dey give una. Make una always dey chop am to remember mi.”

2 Korintians 3:14

But dia mind dey klose. And till today, dia mind still block wen dem dey read di old kovenant. Dem neva remove am, bikos na for only Christ body, dem go fit take remove am.

2 Korintians 3:6

Na God make us fit do dem, so dat wi go serve di new kovenant; dis nor bi di law wey dem rite, but na di one wey koncern God Spirit, bikos di law wey dem rite dey bring deat, but di Spirit dey give life.

Hibru 13:20

God wey get peace, di Pesin wey use di everlastin kovenant blood bring awa Oga God Jesus Christ kom back from deat; awa Oga God wey dey look di sheep,