1 Korintians 11:17 - Holy Bible Nigerian Pidgin English

¹⁷ Di way una dey woship God, dey kause wahala pass di good wey E dey do for una. Bikos of dis, I nor go fit praiz una.

1 Korintians 11:17 ပူးပေါင်းရင်းမြစ်များ

Proverbs 27:5

E betta make yu korrect pesin for open, dan to dey show am love for sekret.

Levitikus 19:17

Make una nor keep malice with anybody, but make una setol una kworel with dat pesin, so dat una nor go sin, bikos of dat pesin.

Romans 13:3

Bikos doz wey dey do good, nor go get problem with dia rulers, so dem nor nid to fear. Make una just do wetin dey good and dem go praiz una.

1 Korintians 11:2

I dey praiz una, bikos una always dey do di tins wey I tell una,

1 Korintians 11:20

Wen una dey togeda, nor bi di Oga God Supper una dey chop?

1 Korintians 11:22

Una nor get house wey una go for chop and drink? Abi una hate God church? Una won disgrace pipol wey nor get anytin to chop? Wetin I go fit tell una naw? I nor go fit praiz una at-all.

1 Korintians 11:34

But if anybody really dey hongry, make e chop kom from en house. Den wen una dey togeda, una nor go kondemn unasef. So wen I kom, I go tell una oda tins wey una suppose know.

1 Korintians 14:23

So if di whole church bigin tok with difren-difren language, den some pipol wey bi unbilivers or doz wey nor undastand kon waka enter di church, dem nor go tink sey all of una don dey kraze?

1 Korintians 14:26

My friends, wen una gada to woship, una must do evritin to help one anoda. Na so e suppose bi wen somebody dey tish, sing, profesai, tok with difren-difren language or dey esplain wetin di pesin tok.

Hibru 10:25

Make wi nor stop to dey meet and fellowship togeda, as some pipol dey do, but make wi enkourage one anoda more-more, since wi know sey, “Di Day wen Christ go kom,” don near.

1 Pita 2:14

or govnors wey God choose sey, make dem ponish pipol wey do bad and praiz doz wey do good.