1 Korintians 1:26 - Holy Bible Nigerian Pidgin English

²⁶ My brodas and sistas, make una remember how God koll una, nor bi bikos una wise, strong or get money well-well.

1 Korintians 1:26 ပူးပေါင်းရင်းမြစ်များ

2 Kings 5:4

So Naaman go tell di king wetin di Israel girl tok.

Job 37:24

No wonder evribody dey fear am and E nor get anytin to do with pipol wey feel sey dem wise.”

Zefanaya 3:12

Pipol wey dey honbol and good, na dem go stay with una and dem go dey save for God present.

Luke 1:3

My oga Teofilus, since I follow evritin from biginnin, I kon tink am sey e good make I rite wetin really happen give yu,

Luke 10:21

For dat time, di Holy Spirit kon make Jesus dey happy, so e kon sey, “I praiz yu, Papa wey bi Oga God for heaven and eart, bikos yu don hide dis tins from pipol wey get sense and wise, but yu show dem to yor shidren. Yes, Papa, na so yu wont make e bi.

Acts 13:12

So wen di Roman offisa si wetin happen, e kon bilive, bikos e sopraiz well-well for wetin dem tish about Jesus Christ.

Acts 13:7

e dey with Sergius Paulus, one Roman offisa wey know book well-well. Di offisa invite Banabas and Saul kom en house, bikos e won hear God word.

Acts 17:34

But some pipol wey bilive Christ kon join am. Inside dis pipol wey bilive so, na Dionysius wey bi memba for Areopagus and one woman wey dem dey koll Damaris, with oda pipol wey join dem.

Romans 11:29

God nor dey take back wetin e don already give pipol or shange en mind about di pipol wey E don choose.

1 Korintians 1:20

Wetin happen to di wise pipol? Wetin happen to doz wey know Moses Law well-well? Wetin happen to doz wey tink sey dem get all di ansa? Abi God nor sey dis world wisdom, nor mean anytin?

1 Korintians 2:13

Evry word wey wi dey tok, na God Spirit tish us and nor bi human wisdom. Na dis same Spirit dey help us tish spiritual tins to pipol wey get God Spirit.

1 Korintians 2:8

No ruler for dis world fit undastand God wisdom, bikos if to sey dem fit, dem for nor nail and kill Christ wey get glory.

Filippians 4:22

God pipol wey dey here dey greet una too, especially doz ones wey kom from Caesar house.

James 2:5

My brodas and sistas, make una listin! God nor choose poor pipol for dis world sey, make dem rish for faith and inherit di kingdom wey E promise sey E go give doz wey love am?

2 John 1:1

Mi wey bi elder dey rite dis leta to di woman wey God choose, with en shidren wey I love inside di trut (nor bi only mi, but na evribody wey know di trut).