1 Korintians 1:20 - Holy Bible Nigerian Pidgin English

²⁰ Wetin happen to di wise pipol? Wetin happen to doz wey know Moses Law well-well? Wetin happen to doz wey tink sey dem get all di ansa? Abi God nor sey dis world wisdom, nor mean anytin?

1 Korintians 1:20 ပူးပေါင်းရင်းမြစ်များ

2 Samuel 15:31

Wen dem tell David sey Ahitofel don join Absalom against am, e kon pray, “Oga God, I beg! Make any word or advise wey Ahitofel tok, dey yuzles!”

2 Samuel 16:23

Dat time, any advise wey Ahitofel give, David and Absalom dey do as e tok, bikos dem bilive sey God dey tok thru am.

2 Samuel 17:14

Absalom and Israel leaders kon sey, “Hushai advise betta pass Ahitofel own.” God don decide sey dem nor go follow Ahitofel good advise, so dat wahala go follow Absalom.

2 Samuel 17:23

Wen Ahitofel si sey dem nor follow en advise, e enter en donkey go en own town. Wen e don setol all en matter, e kon hang ensef. Dem beri am for dia family grave.

Job 12:17

E dey make leaders bihave like fools kon take wisdom from rulers hand.

Job 12:20

E take di wisdom wey old pipol get kon silent doz wey dey advise odas.

Job 12:24

E make leaders bi like fools kon make dem waka lost for desert.

Isaya 33:18

Una go remember all di wahala wey una face before, den una go ask unasef, “Where dem rite dis tins put? Where di pesin wey dey hold di money? Where di pesin wey dey kount di towa?”

Isaya 44:25

Na mi dey fool pipol wey dey si vishon kon make dia work taya dem. I dey shange wise pipol advise to anoda tin kon turn dia wisdom to foolishness.

Isaya 53:1

“Na who go bilive di message wey wi dey hear naw? Na who don si God hand for dis matter before?

Jeremaya 10:7

E nor get who nor dey fear Yu, bikos na Yu kreate evritin. Nobody bi like Yu for di whole world. Even kings and wise men nor rish Yu.

Matiu 13:22

Di seed wey fall for shuku-shuku, na pesin wey hear God word, but wahala, long-trot and to kwik get money for dis world kon shuk di word die for en heart and e nor kon bear fruit.

John 12:31

Di time to judge di pipol for dis world don rish and God go drive Satan, wey dey kontrol dis world komot.

Acts 17:18

So some wise men wey dey learn Epikurean and Stoik kon dey tok with am and some sey, “Wetin dis mumu and toku-toku tink sey e know wey e won tell us?” Some still sey, “E bi like sey e dey prish about some gods from anoda tribe.” (Dem tok so, bikos e dey prish di Good News about Jesus Christ and en resureshon.)

Romans 1:20

From di time wen God kreate di world, E don show us di tins wey ordinary eye nor dey fit si; E show us en pawa and life thru di tins wey E kreate. So wiked pipol nor get eskuse at-all.

Romans 1:22

Even doh dem tink sey dem wise, dem bi fools;

1 Korintians 1:19

Bikos God word sey, “I go distroy di wisdom wey wise pipol feel sey dem get. I go konfuse doz wey tink sey dem know too mush.”

1 Korintians 1:26

My brodas and sistas, make una remember how God koll una, nor bi bikos una wise, strong or get money well-well.

1 Korintians 1:27

But God choose wetin di world tink sey dey foolish and weak, so dat wise and strong pipol go shame.

1 Korintians 1:28

Wetin di world tink sey nor good, naim God choose; tins wey dem tink sey nor mean anytin, na doz tins E make important.

1 Korintians 11:32

But wen God judge and ponish us, E dey do am, so dat E nor go kondemn us with dis world.

1 Korintians 2:6

Wi dey tok with wisdom to doz wey really know God word, but nor bi with dis world or any ruler wisdom, bikos dia wisdom nor mean anytin.

1 Korintians 2:8

No ruler for dis world fit undastand God wisdom, bikos if to sey dem fit, dem for nor nail and kill Christ wey get glory.

1 Korintians 3:18

Make una nor let anybody deceive una. If anybody tink sey e get sense for dis life, make e turn to fool, so dat e go really get sense.

1 Korintians 3:19

Dis world wisdom, na foolishness for God present. Bikos God word sey, “God dey ponish pipol wey tink sey dem wise.”

1 Korintians 6:2

Una nor know sey na God pipol go judge di world? And if na una go judge di world, una nor fit setol small-small matter among unasef?

James 4:4

Una wey dey do bad tins for dis world, una nor know sey to bi dis world friend, mean sey una bi God enemy? So anybody wey gri sey en and dis world na friend, don make ensef God enemy.