1 Kings 9:3 - Holy Bible Nigerian Pidgin English

³ God tell am, “I don hear yor prayers. Dis temple wey yu build for mi, I don make am holy for mysef and na der dem go for woship mi forever. I go wosh and kare for am always.

1 Kings 9:3 ပူးပေါင်းရင်းမြစ်များ

1 Kings 8:29

Make Yu look dis temple both for day and for nite; di place where Yu choose sey make dem for dey woship Yu.

2 Kings 20:5

“Make yu go back go meet Hezekaya, wey dey rule my pipol kon tell am sey, ‘Mi God wey bi yor grand-grand papa David God don hear yor prayer and si as yu dey kry. I go heal yu and afta three days yu go-go back to di temple.

2 Kings 21:7

E put Asherah juju wey e make for di temple, di place where God don tell David and en pikin, Solomon sey, “Dis temple for Jerusalem wey I don choose from all di tribes for Israel, go bi where I go stay forever.

2 Kronikles 33:7

Di juju image wey e make, e put am for God Temple, di place wey God tell David and Solomon en pikin sey, “Dis temple for Jerusalem, na-im I don choose among Israel land, as my house forever.

2 Kronikles 6:40

My God, make Yu dey listin and ansa all di prayers wey dem go pray to Yu from dis place.

Ezra 6:12

Make di God wey choose Jerusalem as di place where dem go for woship am ova-trow any king or nashon wey nor obey dis kommand or won try distroy di temple. Mi, Darius don kommand and una must obey my kommand go rish di end.

Psalms 10:17

Oga God, na Yu bi di hope wey poor pipol get. True-true, Yu go hear dia kry kon konfort dem.

Psalms 116:1

I love God, bikos E dey hear my vois and my prayer for help.

Psalms 34:17

God dey hear en pipol wen dem koll am for help. E dey save dem from all dia wahala.

Psalms 65:3

Awa sins too many, so Yu don forget us, bikos wi nor dey hear word.

Psalms 66:19

But God dey hear and listin to my prayers.

Exodus 20:11

Bikos na six days God take make heaven, eart and all di tins wey dey inside dem and E rest for di sevent day. So God bless di Sabat Day kon make am holy.

Exodus 29:44

I go santify di tent where dem for dey do meetin, di altar, Aaron and en sons, so dat dem go fit serve mi as priest.

Jeremaya 15:1

Den God tell mi, “Even if Moses and Samuel stand here dey beg for dis pipol, I nor go listin or sorry for dem. So make yu take dem komot for my front kon tell dem make dem dey go!

Jeremaya 7:10

Wen una don do all dis tins wey I hate finish, una go kom stand for my present inside my temple kon dey sey, ‘Wi dey save!’ Una tink sey una really dey save wen una dey do all di tins wey I hate?

Daniel 9:23

God don ansa yor prayer since di very first day wen yu start to pray and beg am and na di love wey E get for yu, make mi kom so. Naw, make yu listin well-well as I dey tok kon undastand di vishon:

Nombas 16:38

Di pipol wey die bikos of dia sin, make una use dia kontaina take make wetin dem go take kover di altar, bikos dem offa am to God, so dem dey klean. Dem go bi sign for Israel pipol.”

Matiu 6:9

“So make una pray like dis: “ ‘Awa Papa wey dey for heaven, wi praiz yor name,

John 11:42

I know sey Yu dey always hear mi, but I dey tok like dis, bikos of di pipol wey stand here naw, so dat dem go bilive sey na Yu send mi.”

Acts 10:31

E kon sey, ‘Kornelius, God don hear yor prayer and E don remember all di good tins wey yu dey do.

Deutronomi 11:12

di kind land wey di Oga una God like well-well. From one year to anoda, God dey wosh ova di land!

Deutronomi 12:11

una must bring evritin wey I kommand una: una burnt ofrin; sakrifice ofrin; tithe and vow ofrin kom di place wey God choose as where dem go for woship and honor en name.

Deutronomi 12:21

If di place wey God choose sey una go woship am too far for una, una fit kill any of una animal wey E don give una, just as I kommand una; kon chop dem for una town as una like.

Deutronomi 12:5

but una must woship di Oga una God for where en ensef go choose from among all di tribes and na der una go for honor en name.

Deutronomi 16:11

Dis na time to celebrate before di Oga una God for di place wey dem for dey woship am; di place wey E choose sey make dem honor en name. Make una celebrate with una shidren, all una savants, Levi pipol for una town, strenjas, shidren wey nor get papa and mama again and wimen wey dia husband don die wey dey stay with una.

1 John 5:14

Na dis tins dey make awa mind strong anytime wey wi kom meet God: bikos if wi ask am for anytin wey dey good for en eye, E go give us.