1 Kings 8:43 - Holy Bible Nigerian Pidgin English

⁴³ My Oga God, make Yu listin to dia prayer. For heaven wey Yu dey, make Yu hear and do wetin dem sey make Yu do, so dat evribody for di world go know and obey Yu, just as yor pipol Israel dey do. Den dem go know sey dis temple wey I build, na di place where dem go for dey woship Yu.

1 Kings 8:43 ပူးပေါင်းရင်းမြစ်များ

1 Kings 18:36

Wen time rish to do di evening ofrin, Profet Elijah waka go di altar go pray, “My Oga God wey bi Abraham, Isaak and Israel God! Make Yu show today sey, na Yu bi Israel God and I bi yor savant wey dey do di tins wey Yu kommand.

1 Kings 8:60

so dat all di nashons go know sey na only God bi God and e nor get anoda god.

2 Kings 19:19

Naw, my Oga God, make Yu save us with yor pawa, so dat all di kingdoms for dis eart go know sey na Yu bi Oga and di only God wey nor dey die.”

1 Kronikles 16:8

“Make una tank and koll God name! Make una let di whole world know di tins wey E do!

2 Kronikles 6:33

Make Yu listin to dem from heaven kon ansa all di prayers wey di strenjas pray. Den all di nashons for dis eart go know as Yu good rish kon obey Yu, just as yor pipol Israel dey obey Yu. Den dem go know sey dis temple wey I build, na yor own.

Psalms 102:15

Just as di nashons go fear wen dem si God, na so too kings go fall wen dem si en glory,

Psalms 22:27

Di whole eart go know God kon run go meet am. Evribody for di world go bow woship am.

Psalms 33:14

Evritin wey dey alive for dis eart, God dey look dem from en throne.

Psalms 67:2

Den pipol wey dey for di world go know wetin Yu like; all di nashons go know how Yu take diliver yor pipol.

Psalms 86:9

Oga God, all di nashons wey Yu make, go kom bow down for Yu and dem go praiz yor holy name,

Isaya 11:9

So, great Zion, God hill wey dey holy, no evil or wahala go dey der again. Just as wota dey full sea, na so too God word go full pipol heart for di land.

Jeremaya 25:29

Bikos na from my own town I go for start to distroy kom rish dia own. Dem tink sey dem nor go ponish dem? No! Dem go ponish dem, bikos I go send war kom meet evribody for di eart. Mi, wey bi God wey dey mighty, don tok.”

Deutronomi 26:15

Naw, make Yu look down from yor holy house for heaven kon bless Israel wey bi yor pipol and di land wey Yu promise awa grand-grand papa sey, Yu go give us. Di land wey full with milk and honey.”

Joshua 4:23

Di Oga una God dry Jordan River for una and una waka pass, just as E dry di Red Sea make wi waka pass.

Joshua 4:24

E do am make all di kountry for eart know sey na God get all di pawa, so una must always obey di Oga wey bi una God.”

Revelashon 11:15

Di sevent angel blow en trumpet and one loud vois kon shaut from heaven: “All di kingdom for di world don bi God and Christ own. E go rule forever and ever.”

1 Samuel 17:46

Today, God go give yu to mi. I go kill yu for groun kon kut yor head komot. I go give yor dead body to di bird for di sky and di wild animals for di land. Den all di land go know sey Israel pipol get betta God