1 Kings 8:23 - Holy Bible Nigerian Pidgin English

²³ kon pray, “Di Oga wey bi Israel pipol God; e nor get any god wey bi like Yu for heaven or for eart! Yu do wetin Yu promise yor pipol kon show dem yor love, bikos dem obey Yu with dia whole heart.

1 Kings 8:23 ပူးပေါင်းရင်းမြစ်များ

Jenesis 17:1

Wen Abram na ninty-nine years, God appear to am kon sey, “Na mi bi di Oga God wey get pawa. Follow mi waka and nor-tin go do yu.

Jenesis 33:20

For der, e build one altar kon name am, “Na Israel God bi God.”

2 Samuel 7:22

Oga God! Yu dey great! Nobody bi like Yu. Na only Yu bi God. Wetin wi don hear, na true!

1 Kings 2:4

If yu obey dem, God go keep en promise wey E make wen E tell mi sey, ‘My shidren-shidren go rule Israel as long as dem dey obey my kommand with all dia heart and soul.’

1 Kings 3:6

Solomon ansa, “Yu show great love to David my papa wey bi yor savant and e dey good, dey respet and always dey honor Yu. Yu still show am yor great love wey nor dey end, wen Yu make one of en pikin king afta am.

1 Kings 6:12

“But for dis temple wey yu dey build, If yu obey all my laws and kommand, evritin wey I promise yor papa David, I go do dem for yu.

1 Kings 8:24

Today, Yu don do wetin Yu promise David my papa. Yu don do evry word wey Yu tok.

2 Kings 20:3

“My Oga God, make Yu remember sey I don serve Yu with all my mind and I dey always try to do evritin wey Yu wont make I do.” Den e start to kry well-well.

Ezra 1:3

Make God dey with all of una wey bi en pipol as una dey go Jerusalem go ribuild di Oga wey bi Israel God house and na-im una go woship for Jerusalem.

Nehemaya 1:5

“Oga God for heaven! Yu big well-well and wi dey fear Yu. God wey keep en promise with doz wey love and dey do wetin E kommand.

Nehemaya 9:32

Naw, awa God, di One wey dey great, get pawa and dey mighty, di Pesin wey dey keep en kovenant of love wey nor dey fail, make Yu help us as wi dey sofa. Bikos from di time wey Assyria kings first win us kom rish naw, na sofa wi dey sofa: wi and awa kings, leaders, priests, profets, grand-grand papa dem and all awa pipol.

Psalms 113:5

Na who wi go take kompare di Oga awa God wey sidan for di high throne?

Psalms 35:10

I go praiz God with all di bones wey dey my body kon sey: “Na who I wont take kompare with my Oga God? Na who go fit save pipol wey nor strong from pipol wey strong? Na who go fit protet pipol wey nor get help and poor pipol from tif?”

Psalms 86:8

My God, no oda god bi like Yu. No one fit do wetin Yu dey do!

Exodus 15:11

My Oga God! Who bi like Yu among oda gods? Who bi like Yu? Di One wey dey holy, wey dey do mirakles and great tins?

Exodus 3:15

God still tell Moses, “Yu must tell Israel pipol sey, ‘God wey bi una grand-grand papa God; di Pesin wey bi Abraham, Isaak and Jakob God, na-im send mi kom meet una.’ Dis na my name forever and dis na wetin pipol go take remember mi from one generashon go rish anoda.

Isaya 40:18

Who dem go fit use take kompare God? How yu go fit take diskribe who God bi?

Isaya 40:25

Who dem go fit use take kompare God? E get anybody wey bi like am?

Jeremaya 10:16

Jakob God nor bi like dem; na-im kreate evritin and E don choose Israel as en own pipol. En name na God wey dey mighty.”

Jeremaya 10:6

I sey, “My God! Nobody bi like Yu. Yu dey mighty and yor name dey great with pawa.

Daniel 9:4

I pray to God kon konfess all di bad tins wey wi don do sey: “God! Yu get pawa well-well and wi dey honor Yu. Yu dey keep yor promise and Yu love pipol wey love and dey obey Yu.

Luke 1:72

E do dis tins to show en love for awa grand-grand papa dem and to remember di promise wey E give dem.

Deutronomi 7:12

If una listin to dis rules kon obey dem with all una heart, di Oga una God go really keep en kovenant wey E promise una grand-grand papa.

Deutronomi 7:9

So make una undastand sey, di Oga una God na en really bi God. Na en bi di God wey dey keep en kovenant for tazon generashon kon dey show en love wey nor dey end to doz wey love and dey obey en kommand.

1 Samuel 2:2

Nobody dey holy like God! E nor get anybody wey strong like Yu! E nor get any rock wey bi like God.