1 Kings 5:4 - Holy Bible Nigerian Pidgin English

⁴ But naw, God don give mi peace for evriwhere. I nor get any enemy and I nor dey fear sey pipol go won attack mi.

1 Kings 5:4 ပူးပေါင်းရင်းမြစ်များ

2 Samuel 7:5

“Make yu go tell David wey bi my savant sey, ‘Nor bi yu go build temple for mi wey I go stay.

1 Kings 11:25

Na Israel enemy e bi thru-out di time wey Solomon bi king.

1 Kings 4:24

Solomon rule di west and evriwhere for Eufrates River. From Tifsah for Eufrates side go rish di west for Gaza town. All Eufrates king dey under am and e dey make peace with all di kountries wey near am.

1 Kings 5:18

So, King Solomon men, King Hiram men and di men from Gebal town kon make di stones and timba wey dem go take build di temple.

2 Kings 18:8

E win Filistia pipol for Gaza and di aria wey dey near der; rite from dia gate go rish di towns wey dem guide well-well for der.

1 Kronikles 22:9

But E promise mi sey, ‘Yor pikin go rule with peace, bikos I go make all en enemies love am. Di pikin name go bi Solomon, bikos for en time, I go give Israel pipol peace kon guide dem.

Ezra 4:20

Kings wey get pawa don rule for der before and dem rule di whole West Eufrates aria, dey kollect tax and oda money.

Psalms 72:7

All di pipol wey dey fear God go prosper as di king dey rule. So make goodness follow dem, as long as di moon dey shine for di sky.

Isaya 9:7

En royal pawa go kontinue to grow. En kingdom go get peace forever. E go rule well like King David kon do betta tins with en pawa; e nor go opress pipol and E go rule from naw go rish wen di world go end. God Almighty go do all dis tins.

Acts 9:31

Dat time, di church wey dey Judea, Galilee and Samaria get rest and dis kon make dem strong as dem dey stay togeda, dey woship God with all dia heart and as di Holy Spirit dey tok to dem. So pipol wey dey di church kon dey plenty more-more.

Joshua 15:47

Ashdod and doz wey dey near am, plus Gaza with doz wey dey near am, go rish Egypt Stream and di borda for Mediterranean Sea.