1 Kings 22:8 - Holy Bible Nigerian Pidgin English

⁸ King Ahab ansa, “E get anoda one, en name na Mikaya wey Imlah born. But I hate am, bikos e nor dey profesai anytin wey dey good give mi, na only bad tin e dey tell mi.” King Jehoshafat kon sey, “Make yu nor tok like dat!”

1 Kings 22:8 ပူးပေါင်းရင်းမြစ်များ

Jenesis 37:8

Den en brodas ask am, “So yu really tink sey yu go rule ova us or get pawa pass us?” So dem kon hate am more-more, bikos of di dream and wetin e tok.

1 Kings 18:4

Wen Jezebel dey kill God profets, Obadaya hide hundred profets for two kave; fifty-fifty for each kave and e dey bring food and wota kon give dem.

1 Kings 19:10

E ansa, “My Oga God wey get pawa, na only Yu I dey serve, but Israel pipol don break di kovenant wey dem make with Yu. Dem skata yor altar kon kill all yor profets. Na only mi remain and dem won kill mi too!”

1 Kings 19:14

E ansa, “My Oga God wey get pawa, na only Yu I dey serve. But Israel pipol don break di kovenant wey dem make with Yu. Dem skata yor altar kon kill all yor profets. Na only mi remain and dem won kill mi too.”

1 Kings 21:20

Wen King Ahab si Elijah, e kon sey, “My enemy, yu don find mi si abi?” Elijah ansa, “Yes! I don find yu si. Yu don do wetin nor dey good at-all for God eye.

1 Kings 22:13

Di ofisas wey go koll Mikaya kon tell am, “All di oda profets don profesai viktory give di king. So make yu do di same tin.”

1 Kings 22:18

Den King Ahab tell King Jehoshafat, “I nor tell yu sey e nor dey profesai anytin wey dey good for mi? Na only bad tin e dey profesai for mi!”

1 Kings 22:27

Una go tell dem make dem put am for prison kon gi-am bread and wota till I go kom back.”

1 Kings 22:7

But King Jehoshafat ask, “E nor get anoda profet wey wi fit still ask?”

1 Kings 22:9

Den King Ahab koll di offisa for di kourt kon sey make e go bring Profet Mikaya kom.

2 Kings 9:22

Wen King Joram si Jehu, e kon ask, “Jehu, hope evritin dey okay?” Jehu ansa, “How evritin won take dey okay wen yor mama still dey make pipol serve juju and do oda bad tins.”

2 Kronikles 36:16

But dem laf God messenjas, rijet en warnin and en profets. At last, God vex for en pipol and nobody fit stop am wen E dey vex.

Psalms 34:21

but wiked pipol go must face wahala and God go ponish doz wey hate en pipol.

Proverbs 15:12

Doz wey dey laf pipol nor dey like korreshon, so dem dey run from wise pipol.

Proverbs 29:10

Pipol wey dey kill pipol nor like anybody wey dey tok trut, but good pipol go protet di pesin life.

Proverbs 9:8

So, nor ever korrect proud pipol, bikos dem go hate yu; but if yu korrect wise pesin, e go respet yu forever.

Isaya 3:11

But evil pipol own don finish, bikos na wetin dem do pipol, God go do dem too.

Isaya 30:10

Dem tell di pesin wey dey si vishon sey, “Make yu nor si any vishon for us” and dem tell di profet sey, “Make yu nor tell us di rite tin again!” Dey tell us betta and sweet tins. Make yu just dey lie give us.

Isaya 49:7

God wey bi di Holy One and di Pesin wey save Israel; di Pesin wey wi dey sin against; wey dey serve rulers, dis na wetin E tok, “Kings go si yu kon stand, prince go bow down, bikos of God wey dey good wey bi di Holy One for Israel and naim choose yu.”

Jeremaya 18:18

Den di pipol sey, “Make una kom, make wi do sometin about dis Jeremaya! Wi go always get priest wey go dey to tell us wetin wi go do; wise pipol go dey wey go advise us and wi go always get profet wey go prish God word give us. So make wi lie against am kon stop to listin to anytin wey e tok.”

Jeremaya 20:10

I hear as pipol dey gossip mi. Dem dey koll mi, “Di Man Wey Fear One Kill.” Dem dey treaten sey, “If yu tok anytin here, wi go ripot yu.” Even my friends before, dey look and dey wait make I fall. Dem dey sey, “E go fall enter di trap, den wi go know sey wi don revensh am back.”

Jeremaya 36:23

As Jehudi read three or four line finish, di king vex, kut dat part for di book komot with knife kon trow am for di fire. Na so e do until e burn di whole book finish.

Jeremaya 38:4

Den di ofisas go meet di king kon tell am, “Dis man must die, bikos wetin e dey tok, nor dey help di pipol; e dey kause pain kon make di sojas and evribody for di town, dey fear.”

Amos 5:10

Una nor like anybody wey dey judge well or tok trut for kourt.

Mikah 2:11

If lie-lie profet kon tell una sey, “Make una dey drink wine and plenty strong drink!” Una go happy, bikos dat na di kind profet wey una dey like!

Mikah 2:7

Israel pipol suppose tok like dis? God Spirit go get patient with dis kind karata? But if una go gri do wetin dey korrect, my word go konfort una.

Zekaraya 11:8

Na one mont I take kill di three oda shepad wey hate mi, bikos I nor like dem too.

Matiu 10:22

Evribody go hate una bikos of mi. But anybody wey fit bear rish di end, God go save am.

John 17:14

I don give dem yor word and bikos of dat, di pipol for world hate dem, since dem nor bilong to di world, as misef nor bilong to di world.

John 7:7

Pipol like una, but dem nor like mi, bikos I dey tell dem sey wetin dem dey do nor good.

Galatians 4:16

So, I don bikom una enemy, bikos I dey tell una di trut?