1 Kings 21:26 - Holy Bible Nigerian Pidgin English

²⁶ Na-im kommit di sin wey big pass, wen e go woship juju like Amor pipol wey God drive komot for di land, before Israel pipol kom.)

1 Kings 21:26 ပူးပေါင်းရင်းမြစ်များ

Jenesis 15:16

For di fourt generashon, yor shidren go kom back to dis place, bikos Amor pipol sin neva plenty rish.”

1 Kings 15:12

E drive all di men and wimen wey dey do ashawo work for where dem for dey woship juju kon skata di juju wey di former kings make.

1 Kings 18:18

Elijah ansa, “I nor bring wahala kom Israel. But na yu and yor papa family bring wahala as una abandon God kommand kon follow Baal.

2 Kings 16:3

E dey do like odas wey rule Israel before am. E even burn en pikin as ofrin and dis na one bad sin wey di kountries wey God porshu komot for der, dey do.

2 Kings 17:12

Even as God kommand dem rish, dem still dey woship dia yeye juju.

2 Kings 21:11

“King Manasseh for Judah don sin well-well, E don sin pass Amor pipol wey dey here before and e don enkourage Judah pipol to sin as dem dey serve all dis yeye juju.

2 Kings 21:2

E nor gri obey God and e kon dey sin like di oda kountries wey God drive komot der.

2 Kronikles 15:8

Wen King Asa hear dis word and wetin Profet Oded tok, en heart kon strong. E distroy all di juju for Judah and Benjamin land and for all di towns wey e take from Efraim hill. So e ripair God altar wey dey di temple front.

2 Kronikles 33:2

E sin like di oda kings and nashons wey God porshu komot di land for Israel pipol.

2 Kronikles 33:9

But Manasseh deceive Judah pipol and doz wey dey stay for Jerusalem make dem for sin pass di nashons wey God distroy komot der, for dem.

2 Kronikles 36:14

All di priests and leaders nor kon dey faithful again and dem kon dey kommit bad-bad sins wey all di oda nashon dey kommit. Dem nor kon make God temple for Jerusalem holy again.

Isaya 65:4

Dem dey go grave for nite go beg dead body spirit make e help dem. Dem dey chop pig and drink wetin kom out from di meat wey dem sakrifice give juju.”

Jeremaya 16:18

I go make dem pay times two for dia sin and wikedness, bikos dem don dirty my land kon pak dia yeye juju wey nor get life, full am.’ ”

Jeremaya 44:4

I dey send my savants and di profets kom meet dem, so dat dem go stop all dis wiked tins wey I hate,

Ezekiel 16:47

Yu like as yu dey do di bad tins wey dem do? No! But e nor even tey before yor own worse pass dia own.

Ezekiel 18:12

Or dey play poor pipol wayo; dey tif, dey keep wetin pesin gi-am, so dat e go borrow am money; dey follow sinnas go woship dia juju

Deutronomi 12:31

Una must nor woship di Oga una God, just as di oda kountry dey woship dia own gods, bikos all wetin dem dey do take woship dia gods, na tins wey una Oga God hate well-well. Dem even dey burn dia shidren as sakrifice for dia gods.

Joshua 23:9

“For una front, God porshu nashons wey get pawa well-well; nobody fit beat una kon rish today.

1 Pita 4:3

Di time wey una dey bihave like unbilivers, don pass. Dat time una live bad life; dey do bad tins; dey drink; dey do anyhow and serve juju.

Revelashon 21:8

But for pipol wey fear nor dey let dem do wetin good; doz wey nor bilive mi, doz wey nor dey obey mi; doz wey kill odas; pipol wey dey sleep with who dem nor marry; doz wey dey do majik; pipol wey dey serve juju and evribody wey dey tok lie, na inside di fire and sulfur dem go-go. And na dat bi di sekond deat.”