1 Kings 2:32 - Holy Bible Nigerian Pidgin English

³² God go ponish Joab for doz pipol wey e kill, wey David my papa nor know about. Joab kill two innocent men wey betta pass am: Abner wey bi Israel soja kommander and Amasa wey dey kommand Judah sojas.

1 Kings 2:32 ပူးပေါင်းရင်းမြစ်များ

Jenesis 4:11

So naw, I go drive yu komot from di groun where yu for kill yor broda; di groun wey swallow yor broda blood from yor hand.

Jenesis 42:22

Reuben kon tell dem, “I nor tell una sey make una nor sin against di boy, but una nor gri listin to mi? So naw, wi must pay for di sin wey wi kommit!”

Jenesis 9:6

“Na as God bi, dem make man, so anybody wey kill pesin, na so too anoda pesin go kill-am.

2 Samuel 1:16

den David tell di dead man, “Na yu use yor mout take kill yorsef: Yu kondemn yorsef wen yu sey yu kill di pesin wey God choose as king.”

2 Samuel 17:25

Absalom sey make Amasa take Joab place as di sojas oga. Amasa na Itra pikin wey kom from Ishmael tribe and en mama name na Abigail, Nahash pikin. Zeruaya wey born Joab, na en sista bi Nahash.

2 Samuel 3:29

But make di ponishment fall for Joab and en family head! For evry generashon, make one man from en family sofa sickness like leprosy; bad skin diziz; dey waka with walkin stik, make e die for war or nor si food chop!”

2 Samuel 3:37

All di pipol for Israel and David pipol kon undastand sey, en hand nor dey for Abner deat.

2 Samuel 3:39

Even doh na mi God choose to bi king, I dey weak today, bikos dis Zeruaya shidren too sturbon for mi. Make God ponish dis tif, bikos of wetin dem do!”

2 Samuel 4:11

Not to tok about una wey do evil kon go kill pesin wey dey sleep for en own house! I go take revensh and as una kill-am, na so una go take die too!”

1 Kings 2:44

“Yu know all di wrong tins wey yu do David, my papa. Naw, God go ponish yu.

1 Kings 2:5

“E still remain one tin: yu remember wetin Joab do mi wen e kill two kommander for Israel sojas, Abner wey bi Ner pikin and Amasa wey bi Jeta pikin. E pritend kill dem like sey dem dey fight and dat time peace dey evriwhere, kon stain en belt and sandals with innocent blood.

1 Kings 8:32

my Oga God, make Yu listin from heaven, den kon judge yor savants. Make Yu ponish di one wey do bad as e fit am kon free di one wey dey rite.

2 Kronikles 21:13

instead, yu dey sin like Israel kings. Yu make Judah pipol and doz wey dey stay for Jerusalem turn from God, just as Ahab family do for Israel. Yu still kill yor brodas and yor papa family wey betta pass yu.

2 Kronikles 21:14

So, God go send sickness kom meet yor pipol, yor sons, yor wifes and evribody wey bi yor own.

Estha 1:19

“So if my king go like am, make yu kommand sey make Vashti nor ever kom near di king again. Make yu let us rite am put for Persia and Media law, so dat dem nor go ever fit shange am. Den yu go give en place as kween to anoda betta woman.

Psalms 7:16

and di trobol wey e plan for odas, dey fall for en own head. Na en own wahala dey kause trobol for am.

Psalms 7:17

So, I go tank God, bikos E dey judge well; I go sing and praiz di Most High God.

Ezekiel 17:19

So God wey get pawa sey, “As long as I bi di God wey nor dey die, I go ponish am, bikos e break di agriment wey e make with my name.

Nombas 32:23

“But if una nor do wetin una promise, I dey warn una, bikos na sin una don kommit against God bi dat. Make una nor konfuse unasef; bikos una go must get di ponishment for una sin.

Judges 9:24

Dis tin happen so dat, Abimelek and di men for Shekem wey enkourage am to kill Gideon 70 shidren, go sofa for wetin dem do.

Judges 9:57

God still pay Shekem pipol back for di bad-bad tins wey dem do. And di curse wey Jotam, Jerub-Baal (wey bi Gideon) pikin curse dem, really follow dem.

1 Samuel 15:28

So, Samuel kon tell am, “God don tear Israel kingdom komot from yor hand today and E don gi-am to pesin wey betta pass yu!