1 Kings 14:24 - Holy Bible Nigerian Pidgin English

²⁴ Di one wey bad pass bi sey, e get some wimen wey dey do ashawo work for doz place wey dem for dey serve juju. Judah pipol do tins wey dey make pesin shame, just as di pipol wey God drive komot for di land before, dey do.

1 Kings 14:24 ပူးပေါင်းရင်းမြစ်များ

Jenesis 19:5

Di men kon koll Lot dey sey, “Where di men wey kom meet yu dis evening? Bring dem kom out, so dat wi go sleep with dem!”

1 Kings 15:12

E drive all di men and wimen wey dey do ashawo work for where dem for dey woship juju kon skata di juju wey di former kings make.

1 Kings 22:46

E remove all di men and wimen ashawo wey dey woship for di juju altars; di ones wey still remain wen Asa, en papa bi king.

2 Kings 23:7

Di men ashawo house wey dey di temple and di place where wimen for dey weave for Asherah juju, e distroy dem.

Levitikus 18:26

Una must obey all my law and kommand and una nor go do dis evil tins, both Israel pipol and doz wey bi strenjas,

Levitikus 18:30

Una must obey my kommand and nor do any evil wey dem do before, so dat una nor go spoil unasef with dem. Na mi bi di Oga una God.’ ”

1 Korintians 6:9

Una nor know sey wiked pipol nor go enter God kingdom? So make una nor fool unasef! Pipol wey dey sleep with who dem nor marry; doz wey dey serve juju; men wey dey sleep with oda men;

Deutronomi 23:17

Make nobody for Israel, weda na man or woman, turn ashawo for di temple.

Deutronomi 23:18

Wen una dey bring una vow ofrin, make una nor bring any ashawo pesin ofrin kon give di Oga una God, weda na man or woman, bikos dat kind tin dey make di Oga una God vex.

Judges 19:22

As dem dey chop and drink, some pipol wey dey kause trobol for di town kon surround di house. Dem bigin nok di door dey shaut for di old man, “Make yu bring di man wey dey stay with yu, so dat wi go sleep with am.”