1 Kings 12:20 - Holy Bible Nigerian Pidgin English

²⁰ Wen all Israel Pipol hear sey Jeroboam don kom back from Egypt, dem invite am kon make am king for Israel. So, na only Judah tribe kon dey obey David shidren-shidren.

1 Kings 12:20 ပူးပေါင်းရင်းမြစ်များ

2 Samuel 20:2

So Israel pipol leave David kon follow Sheba, but Judah men obey and follow David from Jordan River go Jerusalem.

1 Kings 11:13

But I nor go take di whole kingdom from am. Instead, I go leave one tribe for am bikos of David, my savant and bikos of Jerusalem, di town wey I dey stay.”

1 Kings 11:26

Anoda man wey turn against King Solomon na Nebat pikin, Jeroboam, wey kom from Zaretan for Efraim tribe. En mama name na Zeruah, but en papa don die.

1 Kings 11:32

Solomon go keep one, bikos of David my savant and Jerusalem, di town wey I choose as my own from all Israel land.

1 Kings 11:35

I go take di kingdom from Solomon pikin kon give yu ten tribes,

1 Kings 11:36

but I go let Solomon pikin keep one tribe, so dat my savant David, shidren-shidren go fit dey rule for Jerusalem, di town wey I don choose sey dem go for woship mi.

1 Kings 11:37

Jeroboam; I go make yu king for Israel and yu go rule all di aria wey yu wont.

1 Kings 12:17

as dem dey waka leave Rehoboam make e bi king to only doz wey dey Judah aria.

2 Kings 17:21

E remove Israel pipol from David generashon and Nebat pikin, Jeroboam kon bi dia king. Jeroboam drive Israel pipol komot from God present kon enkourage dem to sin well-well.

Hosea 11:12

Israel pipol surround mi with lie-lie; na wayo full Efraim, but Judah pipol still trust and dey faithful to God wey dey holy.

Hosea 8:4

Na only my pipol choose king and leaders demsef without sey I permit dem. Dem make juju with dia silva and gold; juju wey dey kause wahala for dem.

1 Samuel 10:24

Samuel tell di pipol, “Una don si di pesin wey God don choose? True-true, nobody bi like am for di whole Israel!” All di pipol kon shaut, “Di king go stay forever!”