1 Kings 12:16 - Holy Bible Nigerian Pidgin English

¹⁶ Wen di pipol si sey di king nor won listin to dem, dem kon bigin shaut, “Make David and en family get out! Wetin dem don do for us before? Israel pipol; make wi dey go house! Make King Rehoboam kare for ensef!” So Israel pipol kon bigin kworel among demsef

1 Kings 12:16 ပူးပေါင်းရင်းမြစ်များ

2 Samuel 15:13

One messenja kon go tell David, “All di pipol for Israel dey loyal to Absalom.”

2 Samuel 16:11

David tell Abishai and all en ofisas, “My own pikin one kill mi, so why una dey sopraiz for dis man wey kom from Benjamin tribe? Na God tell am make e curse mi, so make una leave am make e dey curse.

2 Samuel 20:1

E get one man for Gilgal wey dem dey koll Sheba, na Bikri bi en papa wey kom from Benjamin tribe. E blow trumpet take koll di pipol kon sey, “Make David get out! Wi nor go follow am again! Israel men, make wi dey go awa house!”

1 Kings 11:11

kon tell am, “Bikos yu know wetin yu dey do as yu dey break yor kovenant with mi and nor kon dey obey my kommand, I go take di kingdom from yu kon gi-am to one of yor ofisas.

1 Kings 11:13

But I nor go take di whole kingdom from am. Instead, I go leave one tribe for am bikos of David, my savant and bikos of Jerusalem, di town wey I dey stay.”

1 Kings 11:34

“ ‘But I nor go take all di kingdom from Solomon. I go make am rule till e die. Dis na wetin I go do, bikos of David my savant, wey I choose and e obey my laws and kommand.

1 Kings 11:35

I go take di kingdom from Solomon pikin kon give yu ten tribes,

1 Kings 11:36

but I go let Solomon pikin keep one tribe, so dat my savant David, shidren-shidren go fit dey rule for Jerusalem, di town wey I don choose sey dem go for woship mi.

1 Kings 11:39

Bikos Solomon sin, I go ponish David shidren-shidren, but I nor go ponish dem forever.’ ”

1 Kings 22:17

So Mikah kon ansa, “I si Israel soja wey skata for evriwhere for di hill like sheep wey nor get who dey kare for dem. And God sey, ‘Dis men nor get leader, so make dem go dia house with peace.’ ”

1 Kings 22:36

As evening dey rish, dem kon orda Israel pipol make dem dey go back to dia house.

2 Kronikles 10:16

Wen di pipol si sey di king nor won listin to dem, dem kon bigin shaut, “Make David and en family get out! Wetin dem don do for us before? Israel pipol; make wi dey go house! Make King Rehoboam kare for ensef!” So Israel pipol bigin argue among diasef

Psalms 132:17

For der, I go make David pawa strong; bikos I don decide sey, en shidren-shidren go bi king forever.

Psalms 76:10

True-true, di way Yu dey vex judge human being, go make dem praiz Yu. Yu really dey show as Yu dey vex rish.

Proverbs 15:1

Good ansa dey end vexnashon, but yeye words dey kause kworel between pipol.

Isaya 7:17

Time dey kom wen God go bring trobol kon give yu, yor pipol and all di royal family and e go bad pass anytin wey don happen since Israel kingdom separate from Judah and from Assyria king.

Isaya 7:2

So some pipol kon tell Judah king sey Siria sojas dey for Israel aria, den en and all en pipol kon dey fear, sotey dem bigin shake like tree wey breeze dey blow.

Jeremaya 33:21

den yu go still fit break di kovenant wey I make with my savant David and Levi tribe wey sey, ‘Kings go always kom from David family and na Levi family go always bi priests.’

Ezekiel 37:16

“Man pikin, take one stik make yu rite dis word put, ‘Judah kingdom.’ Den take anoda stik kon rite dis word put too, ‘Israel kingdom.’

Mark 3:24

Any kingdom where pipol dey fight each oda, nor go fit stand.

Luke 19:14

“But e own pipol nor like am, so dem kon send message follow am sey, ‘Wi nor wont dis man to bi awa king!’

Luke 19:27

But doz my enemy wey nor wont make I bi dia king, make una go bring and kill dem for my front!’ ”

John 13:8

Pita tell am, “I nor go gri make yu wosh my leg!” Den Jesus ansa, “If I nor wosh yor leg, mi and yu nor go get anytin togeda again.”

Judges 8:35

Even with all di good tins wey Gideon do for Israel pipol, dem still dey trit en family anyhow.

Judges 9:28

So Gaal sey, “Who bi dis Abimelek wey wi Shekem men dey serve? Nor bi Gideon pikin e bi? Zebul dey take orda from am, but why wi go serve am sef? Make una serve Hamor shidren, wey bi Shekem papa.