1 Kings 11:7 - Holy Bible Nigerian Pidgin English

⁷ For di east side for Jerusalem hill, e build where dem for dey woship Kemosh, wey bi Moab pipol yeye god and Milkom, wey bi Ammon pipol god.

1 Kings 11:7 ပူးပေါင်းရင်းမြစ်များ

Jenesis 33:2

E put di savant and dia shidren for front, den Leah and en shidren, den Rashel and en pikin kon follow for back.

2 Samuel 15:30

David kon go Mount Olives bigin kry. E nor wear any shoe and e kover en head to show how e nor dey happy. All di pipol wey follow am still kover dia head as dem dey kry.

1 Kings 11:5

E bigin woship Astarte wey bi Sidon pipol juju and Milkom, di yeye god wey Ammon pipol dey serve.

1 Kings 11:6

E sin and e nor woship God, just as en papa David woship am.

1 Kings 11:8

E still build where en oda wifes go for dey burn incense and offa sakrifice to dia gods.

1 Kings 15:12

E drive all di men and wimen wey dey do ashawo work for where dem for dey woship juju kon skata di juju wey di former kings make.

2 Kings 23:10

Di king skata Tofet for Ben-Hinnom Valley, so dat nobody go fit sakrifice en pikin for Molek juju again.

2 Kronikles 21:11

E still build juju place for Judah hills, den Jerusalem and Judah pipol nor kon dey obey di Oga dia God.

Psalms 78:58

Dem dey make God vex as dem dey build shrine for oda gods; dem really make God jealous with dia juju.

Isaya 44:19

Dem nor tink or rizin sef sey, ‘I dey burn some of di wood take bake bread and roast meat chop. Yet, I dey use dis same wood make juju and woship am?’

Jeremaya 32:31

E go happen bikos since dem build dis town kon rish naw, di pipol for dis town don make mi vex well-well, so I go distroy am.

Jeremaya 32:35

Dem build altar for Baal juju for Ben-Hinnom Valley where dem for dey sakrifice dia shidren give Molek god. I nor sey make dem do like dis and I neva even tink about dis kind tin at-all.”

Jeremaya 48:13

Den, just as Israel pipol shame for dia god for Bethel, na so too Moab pipol go shame for Kemosh wey bi dia god.

Jeremaya 48:46

Curse dey Moab land! Di pipol wey dey woship Kemosh don skata and di enemies don karry dia shidren go as prisonas.

Ezekiel 18:12

Or dey play poor pipol wayo; dey tif, dey keep wetin pesin gi-am, so dat e go borrow am money; dey follow sinnas go woship dia juju

Daniel 11:31

En sojas go skata di temple. Dem go stop di sakrifice wey dem dey do kon do many bad tins.

Daniel 12:11

E go bi 1,000 two hundred and ninty days, from di time wey dem stop di sakrifice kon start all dis bad and wiked tins, wey dem dey do.

Levitikus 26:30

I go distroy di place where una for dey woship on-top di hills kon skata una incense altars, den kill and trowey una dead body near una juju wey don fall. I go rijet una finish.

Mikah 1:5

All dis tins go happen bikos of Israel pipol sturbones and sin. Una ask sey, “Na how wi take sturbon? Na who dem go blame for Israel pipol sturbones?” Nor bi Samaria wey bi di main town! “Where di place wey dem for dey serve juju?” Na Jerusalem dem dey!

Zekaraya 14:4

For dat time, E go stand on-top Mount Olives kon face di east side for Jerusalem. Den Mount Olives go divide into two from east go west. Half part for di mountin go-go nort and di remainin part go-go sout.

Nombas 21:29

Moab pipol, curse dey una head. Kemosh pipol, una don skata! Una make una sons dey run anyhow and una dotas don turn King Sihon for Amor, prisonas.

Nombas 33:52

una must drive all di pipol wey dey stay di land komot. Make una distroy all dia juju wey dem make with stone or iron and all di place where dem for dey woship di juju.

Matiu 26:30

Afta dem sing one hymn, dem komot kon go Mount Olives.

Acts 1:12

So dem go back to Jerusalem from Mount Olives (wey dey near Jerusalem and di place wey dem waka so, far pass how di law dey allow pipol waka for Sabat Day).

Acts 1:9

So afta e don tok with dem, God kon karry am up until kloud kover am and dem nor fit si am again.

Acts 7:43

‘Na bikos of di house wey una build for “Molek and Refan”, wey bi una god and juju wey una dey woship, naim make mi send una go bi slave for Babilon.’

Deutronomi 13:14

For dis kind matter, una must look di kase well-well. If una find out sey dis bad tin wey happen, na true,

Deutronomi 27:15

‘Anybody wey make juju or image to woship, na curse go follow dat pesin, bikos juju wey human being dey make, na sin to God. Den all di pipol go ansa, “Amen.”

Judges 11:24

Yu fit take anytin wey Kemosh yor god give yu, but wi go take all di land wey di Oga awa God give us.