1 Kings 11:3 - Holy Bible Nigerian Pidgin English

³ Solomon marry 700 wife kon get 300 girl-friends and na dem make am turn en heart from God.

1 Kings 11:3 ပူးပေါင်းရင်းမြစ်များ

2 Kronikles 11:21

All Rehoboam wife na eighteen and en girl-friends na sixty. E born twenty-eight sons and sixty dotas. Na Absalom pikin, Maaka e like pass among en wifes and girl-friends

Estha 1:18

And before today go end, di ofisas for Persia and Media wifes go hear dis tin wey Kween Vashti do so and dem nor go ever respet and fear dia husband again.

Ekklesiastes 2:8

Silva, golds and oda good tins wey I karry from oda kings and nashons, I still save dem for mysef. I hire good singas, both men and wimen and I get many fine-fine girl-friends. Yes! I get evritin wey suppose make man happy!

Ekklesiastes 7:28

“Wetin I dey find since, I neva still si am; I si sey among 1,000 pipol, na only one man dey good, but I nor si any woman wey good among dem.

Song of Songs 6:8

Even if I get sixty kweens, eighty girl-friends and many wimen around mi,

Song of Songs 6:9

na-im bi di only one wey I love and e fine like dove. Na-im bi di only girl wey en mama born and en mama like am well-well. So evry woman dey bless am; even di kweens and my girl-friends dey praiz am.

Deutronomi 17:17

Make di king nor marry many wife for ensef, bikos dem go turn en heart from di Oga una God. Make e nor gada money, silva or gold for ensef.

Judges 3:6

and dem marry demsef too. Israel sons marry Kanaan girls; while Israel girls marry Kanaan sons and Israel pipol kon dey serve Kanaan gods.

Judges 9:5

Den e go en papa house for Ofrah kon kill en step brodas, di 70 son wey Gideon born. E kill all of dem on-top one stone. But na only Jotam wey bi Gideon last born, run bikos e hide.