1 John 5:1 - Holy Bible Nigerian Pidgin English

¹ Anybody wey bilive sey na Jesus bi Christ, don bi God pikin and anybody wey love di Papa, love di pikin wey E born.

1 John 5:1 ပူးပေါင်းရင်းမြစ်များ

Matiu 16:16

Simon Pita ansa, “Yu bi di Mezaya, God Pikin wey dey alive.”

Luke 7:5

bikos e love awa pipol and e even build sinagog for us.”

John 1:3

Na God make evritin and if to sey E nor make dem, dem nor for dey dis world at-all.

John 15:23

Di pesin wey hate mi, hate my Papa too.

John 3:3

Jesus tell am, “Make I tell yu true word, unless dem born pesin di sekond time, e nor go fit si God kingdom.”

John 6:69

Wi don bilive and know sey, ‘Na yu bi di Holy One wey God send kom meet us.’ ”

John 8:42

Den Jesus ansa, “If to sey na God bi una Papa, una for like mi, bikos I kom from God and as I dey so, I nor kom do my own tins, bikos na-im send mi.

Acts 8:36

As dem dey go, dem kon rish where wota dey, naim di man sey, “Si, wota dey here! Wetin go make mi nor baptize naw?”

Acts 8:37

Filip ansa, “If yu bilive, I go baptize yu.” Di man kon sey, “I bilive sey Jesus Christ na God Pikin.”

James 1:18

As God wont am, E kon born us with di true message, so dat wi go bi first among all wetin E kreate.

1 Pita 1:3

Wi tank God wey bi awa Oga God Jesus Christ Papa, for di mesi wey E dey show us. God give us new life thru Jesus Christ wey E wake from deat and naim bi di Pesin wey give us hope.

1 John 2:10

Pesin wey love en broda or sista for Christ, dey live inside di lite and nor-tin go make am fall.

1 John 2:29

If una know sey E dey raitious, den una go know sey, doz wey dey do wetin God wont, na en shidren dem bi.

1 John 3:14

Wi know sey wi don cross from deat enter life, bikos wi dey love and kare for awa brodas and sistas for Christ.

1 John 3:17

But pesin wey get enough tins and e nor sorry for en broda or sista for Christ wey nor get at-all, na how God love go take dey inside am?

1 John 3:9

Pesin wey bi God pikin, nor dey like to sin, bikos God seed dey inside am.

1 John 4:2

Dis na how una go take know God Spirit: If pesin bilive sey na Jesus bi di Mezaya, wey kom as human being, dat pesin get God Spirit.

1 John 4:20

If somebody sey, “I love God” and e hate en Christian broda, e dey lie, bikos pesin wey nor love en Christian broda wey e dey si, how e wont take love God wey e nor dey si?

1 John 4:7

My friends, make wi love one anoda, bikos love kom from God and anybody wey love odas, na God pikin and e know God,

1 John 5:18

Wi know sey anybody wey bi God pikin, nor dey like to sin, but God dey keep en pikin, so dat devil nor go fit tosh am.

1 John 5:4

Anybody wey bi God pikin, don win di world and na awa faith bi di pawa wey win di world.

1 John 5:5

Pesin wey bilive sey Jesus Christ na God Pikin, don win di world.