1 John 4:6 - Holy Bible Nigerian Pidgin English

⁶ Wi kom from God and di pesin wey know God dey listin to us, but pesin wey nor know God, nor dey gri with us. Dis na how wi take dey know di thru Spirit and di spirit wey dey deceive pipol.

1 John 4:6 ပူးပေါင်းရင်းမြစ်များ

2 Kronikles 18:21

“God ask, ‘How yu wont take deceive am?’ “Di spirit ansa, ‘I go make all di profets lie for Ahab.’ “God kon sey, ‘Make yu go deceive am, bikos e go hear yu.’ ”

Isaya 29:10

God don make una dey do like sey una don drink, so una go sleep go. God don blind di profets eyes and doz wey dey sey future nor go fit si anytin again.

Isaya 8:20

Den make una remember God kommand and evritin wey di profets sey go happen. True-true, all di pipol wey dey si vishon, dey tok all dis tins, bikos dia mind dey dark.

Hosea 4:12

Dem dey ask wood make e show dem wetin go happen for future! Na stik dey tell dem wetin dem won know! Dem don leave mi. Dem bi like ashawo and dem don give diasef to oda gods.

Mikah 2:11

If lie-lie profet kon tell una sey, “Make una dey drink wine and plenty strong drink!” Una go happy, bikos dat na di kind profet wey una dey like!

Mikah 3:8

But na God pawa and spirit dey my body. E give mi sense to judge well with strent to take tell Israel pipol about dia sin.

Luke 10:22

“My Papa don give mi evritin. Nobody know who di pikin bi escept di Papa and nobody know who di Papa bi escept di pikin and pipol wey di pikin choose to show.”

John 10:16

I get oda sheep wey nor dey here. I must gada dem too and dem go listin to my vois, all of dem go dey togeda and na one shepad go lead dem.

John 10:27

My sheep dey hear my vois and I know dem and dem dey follow mi.

John 10:3

Di gateman go open di door for am and en sheep go hear en vois wen e koll dia name and e go lead dem kom out.

John 13:20

I dey tell una true word, anybody wey receive di pesin wey I send, don receive mi and anybody wey receive mi, don receive God wey send mi kom.”

John 14:17

Naim bi di Spirit wey dey tok trut, wey pipol for dis world nor go fit receive, bikos dem nor fit si am or know am, but una know am, bikos e dey stay inside una.

John 15:26

“But wen di true Spirit wey I go send from my Papa to help una don kom, e go tok about mi.

John 16:13

But wen God Spirit kom, e go show una di trut. E nor go tok wetin dey en mind, but e go tok wetin e hear from God and wetin go happen afta I don go.

John 18:37

Den Pilate ask am, “So yu bi king?” Jesus ansa, “Na yu tok so and yu dey korrect sey, I bi king. Na dis make dem born mi and naim make mi kom dis world kon tok di trut. Anybody wey wont hear di trut, go listin to wetin I dey tok.”

John 20:21

Den Jesus tell dem again, “Make peace dey with una. As my Papa send mi, na so I send una too.”

John 8:19

Dem kon bigin kweshon am, “Who bi yor Papa sef?” Jesus ansa dem, “Una nor know mi or my Papa, if to sey una know mi, una for know my Papa too.”

John 8:23

Jesus ansa dem, “Na groun una from kom, but mi, na heaven I from kom. Una kom from dis world, but I nor kom from dis world.

Romans 1:1

Paul wey bi Jesus savant and apostle wey e choose make e prish God word, na en rite dis leta.

Romans 11:8

just as God word sey: “God make dem foolish sotey dia eye nor dey si and dia ear nor dey hear till today.”

1 Korintians 14:37

If una dey tink of unasef as profet or pesin wey di Spirit dey use, den una go know sey I dey rite only di tins wey God kommand mi.

2 Korintians 10:7

Na only tins wey eye fit si, naim una know. If anybody dey sure sey e bilong to Christ, make e tink about am again: If e bilong to Christ, den wi na Christ own too.

2 Tesalonians 1:8

Den Christ go use fire wey nor dey kwensh take ponish doz wey nor know God and wey nor dey obey wetin wi dey prish about am.

1 Timoti 4:1

Di Spirit tok sey for di last days, some pipol go leave di faith kon dey bilive lie-lie spirits and follow wetin demons dey tish.

2 Pita 3:2

I wont make una remember all di word wey di profets tok before and di kommandment wey awa Oga God and Savior give us thru di apostles.

1 John 4:1

My friends, make una nor bilive evribody wey sey na God Spirit dey tok thru am. Una must test am to know weda na God Spirit e really get. Bikos many fake profets dey for dis world.

1 John 4:4

My shidren, una kom from God and una don get viktory ova doz pipol, bikos di pesin wey dey inside una, big pass di pesin wey dey di world.

1 John 4:8

but pesin wey nor love en broda nor know God, bikos God na love.

1 John 5:19

Wi know sey wi bi God shidren and dis world wey wi dey so, na wiked pipol dey rule am.

Jude 1:17

But my friends wey I love, make una remember wetin awa Oga God Jesus apostles tell una.