1 John 4:18 - Holy Bible Nigerian Pidgin English

¹⁸ Dis kind love nor get fear, bikos betta love dey drive fear komot from pesin heart. If wi dey fear bikos wi nor wont make God ponish us, dat show sey wi neva really know how en love bi.

1 John 4:18 ပူးပေါင်းရင်းမြစ်များ

Job 15:21

Vois wey dey make pesin fear nor go leave dia ear and where dem feel sey dem dey save, tif go kom meet dem for der.

Psalms 119:120

I dey shake bikos I dey fear Yu and yor kommandments and rules dey make mi sopraiz.

Psalms 73:19

Na wons God go take distroy and trowey dem down with fear.

Matiu 9:34

But di Farisee pipol sey, “Na devil pawa Jesus dey use take drive demon komot from pipol body.”

Romans 8:15

Di Spirit wey God give us nor go make us fear like slave, instead, wi bi God shidren and wi dey koll am, “Awa Papa!”

2 Timoti 1:7

Bikos God nor give us di spirit wey go make us fear, but di spirit wey E give us, get pawa, love and sef kontrol.

Hibru 12:28

Since wi don receive di kingdom wey dem nor fit skata, make wi tank and woship God with respet and fear. Make wi gi-am di kind woship wey go make belle sweet am.

James 2:19

Yu bilive sey na only one good God dey. Demons bilive so too and fear dey katch dem well-well.

1 John 4:12

Nobody don ever si God before. If wi love each oda, God dey inside us and en love dey pafet inside us.