1 John 4:17 - Holy Bible Nigerian Pidgin English

¹⁷ And as wi dey stay inside God, awa love dey grow more-more. So wi nor go fear for judgement day, but wi go face God with konfident, bikos wi live like Jesus Christ wen wi dey di world.

1 John 4:17 ပူးပေါင်းရင်းမြစ်များ

Matiu 10:15

I tell una true word, e go betta for Sodom and Gomorrah pipol for judgement day, pass di pipol wey dey for dat town.”

Matiu 10:25

E good make disciple bi like en tisha and savant bi like en oga. If dem dey koll oga for en house ‘Belzibub (wey mean demon oga),’ wot of di pipol wey dey di house? Dem nor go koll dem bad name too?”

Matiu 11:22

but I tell una true word, e go eazy for Tyre and Sidon for judgement day pass una.

Matiu 11:24

But I tell una, God go get mesi for Sodom pass una for judgement day!”

Matiu 12:36

I tell una true word, for judgement day, pipol go ansa God for all di yeye word wey dem tok.

John 15:20

Make una remember wetin I tell una, ‘Savant nor dey big pass en oga.’ If dem sofa mi, den dem go sofa una too. If to sey dem obey my word, dem go obey una own too.

John 17:22

I don give dem di honor wey yu give mi, so dat dem go bi one just as wi bi one:

Romans 8:29

God know doz wey E don choose, so E don make dem bi like en Pikin, so dat en pikin go bi di first-born.

Hibru 9:27

Bikos God sey, na only wons man go die and afta dat, judgement go kom,

James 2:13

Judgement nor get mesi for anybody wey nor dey mesi for odas, bikos mesi betta pass judgement.

James 2:22

Yu nor si sey en faith and work dey togeda and na en work make en faith pafet?

2 Pita 2:9

If God do all dis tins, den E know how to save en pipol from trobol kon tie wiked pipol keep, so dat E go ponish dem wen E go judge di world.

2 Pita 3:7

Na di same word God take keep dis heaven and eart dey wait for fire wey go kom. E keep dem dey wait Judgement day. Di day wen E go distroy di pipol wey nor dey fear am.

1 John 2:28

Naw my shidren, make una stay inside am, so dat wen E kom, awa heart go dey strong well-well and shame nor go make us run from where E dey.

1 John 2:5

But anybody wey do wetin dem rite for God word, true-true, God word really dey inside am. Na dis go make us know sey wi dey inside God.

1 John 2:6

Di pesin wey sey en with God dey togeda forever, dat pesin suppose live en life as Christ live en own.

1 John 3:1

Make una si di kind love wey awa God get for us. And naw, pipol dey koll us God shidren and true-true, na God shidren wi bi. Di world nor know us, bikos dem nor know am.

1 John 3:3

And evribody wey get dis hope for Christ, dey make ensef pure, just as Jesus dey pure.

1 John 3:7

So my shidren, make una nor let anybody deceive una: If pesin dey do wetin good for God eye, dat show sey dat pesin dey good, just as Christ dey good for God eye.

1 John 4:12

Nobody don ever si God before. If wi love each oda, God dey inside us and en love dey pafet inside us.