1 John 3:24 - Holy Bible Nigerian Pidgin English

²⁴ So anybody wey do all wetin God tok, dey inside am and God dey inside dat pesin too. Wi know sey E dey inside us, bikos di Spirit wey E give us, dey stay inside us.

1 John 3:24 ပူးပေါင်းရင်းမြစ်များ

John 10:38

But if I dey do dem, even if una nor bilive mi, make una bilive di tins wey I dey do, so dat una go know and undastand sey, I dey inside my Papa and my Papa dey inside mi too.”

John 14:17

Naim bi di Spirit wey dey tok trut, wey pipol for dis world nor go fit receive, bikos dem nor fit si am or know am, but una know am, bikos e dey stay inside una.

John 17:21

Papa, I dey pray, so dat all of dem go get one mind, just as mi and yu bi one. I still dey pray make dem dey with us, so dat di world go bilive sey na yu send mi.

1 Korintians 3:16

Una nor know sey una bi God Temple and en Spirit dey inside una?

1 Korintians 6:19

Abi una nor know sey una body na di temple wey di Holy Spirit dey stay? So, nor bi una get unasef.

2 Korintians 6:16

Wish kind business God Temple and juju get? Bikos wi bi God Temple, just as God sey, “I go stay inside dem and waka among dem, den, I go bi dia God and dem go bi my pipol.”

1 Tesalonians 4:8

So, anybody wey rijet wetin wi tok; nor bi human being authority e rijet, but na God wey give una en Holy Spirit.

2 Timoti 1:14

Make yu guide di good tins wey God give yu thru di Holy Spirit wey dey inside us.

1 John 2:24

As for una, wetin una don hear from di biginnin, make una let am stay inside una. If wetin una hear from di biginnin stay inside una, una go stay inside di Pikin and en Papa.

1 John 2:3

Wen wi do wetin God sey make wi do, den wi go dey sure sey wi know am.

1 John 2:5

But anybody wey do wetin dem rite for God word, true-true, God word really dey inside am. Na dis go make us know sey wi dey inside God.

1 John 2:6

Di pesin wey sey en with God dey togeda forever, dat pesin suppose live en life as Christ live en own.

1 John 3:22

and anytin wey wi ask from am, E go give us, bikos wi dey do wetin E wont and na dis tins dey make belle sweet am.

1 John 4:7

My friends, make wi love one anoda, bikos love kom from God and anybody wey love odas, na God pikin and e know God,