1 John 3:13 - Holy Bible Nigerian Pidgin English

¹³ So my brodas and sistas, make una nor sopraiz sey dis world pipol hate una.

1 John 3:13 ပူးပေါင်းရင်းမြစ်များ

Proverbs 29:27

Good pipol nor like doz wey dey do wiked tins and wiked pipol nor like good pipol.

Ekklesiastes 5:8

Nor sopraiz wen dem dey opress poor pipol or as bad judgement dey kover good judgement. Dis na bikos, di lowa ofisas must do wetin dia senior ofisas orda dem to do.

Matiu 10:22

Evribody go hate una bikos of mi. But anybody wey fit bear rish di end, God go save am.

Matiu 24:9

“Dem go karry una wey bi my disciples give pipol wey go sofa and kill una. Bikos of mi, pipol for difren town wey nor know God, go hate una.

Mark 13:13

Evribody go hate una bikos of my name. But di pesin wey go fit bear rish end, go dey save.”

Luke 21:17

Evribody go hate una bikos of my name.

Luke 6:22

Una wey pipol hate, rijet, curse and dey koll bad pipol bikos of Man Pikin, God go bless una

John 16:2

Dem go drive una komot for di sinagog and di time dey kom wen di pesin wey go kill una, go tink sey e dey do God work.

John 16:33

“I don tell una all dis tins, so dat my peace go stay with una. Wahala full inside di world and sofa dey too, but make una heart dey strong, bikos I don already win di world.”

John 17:14

I don give dem yor word and bikos of dat, di pipol for world hate dem, since dem nor bilong to di world, as misef nor bilong to di world.

John 3:7

So, make yu nor konfuse bikos I tok sey, ‘God go born yu for di sekond time.’

John 7:7

Pipol like una, but dem nor like mi, bikos I dey tell dem sey wetin dem dey do nor good.

Acts 3:12

Wen Pita si sey all di pipol gada, e kon start to dey prish, “Israel pipol, wetin make dis mirakle dey sopraiz una like dis? Why una dey look us like sey na with awa own pawa or holiness wi take make dis man waka?

Romans 8:7

Pipol wey dey sin, na God enemy dem bi, bikos dem nor obey en law, since dem nor fit obey am.

2 Timoti 3:12

True-true, anybody wey won live di kind life wey God wont inside Christ, make e know sey e must sofa.

James 4:4

Una wey dey do bad tins for dis world, una nor know sey to bi dis world friend, mean sey una bi God enemy? So anybody wey gri sey en and dis world na friend, don make ensef God enemy.

Revelashon 17:7

But di angel tell mi, “Why yu dey sopraiz like dis? I go tell yu di sekret plan wey di woman and di beast wey karry am, get. Dis na di beast wey get seven heads and ten horns.