1 John 3:10 - Holy Bible Nigerian Pidgin English

¹⁰ Na like dis una go take know God and devil shidren. Pesin wey nor dey do wetin good for God eye and nor love en broda or sista for Christ, nor bi God pikin.

1 John 3:10 ပူးပေါင်းရင်းမြစ်များ

2 Samuel 13:22

But Absalom nor tell Amnon anytin, weda na good or bad, but e kon hate Amnon bikos of wetin e do to en sista Tamar.

Matiu 13:38

di farm na di world and di good seed na di kingdom pipol. Di grass na devil shidren

Luke 6:35

But make una love una enemies kon do good and make una nor espect anytin back wen una borrow anybody sometin. Na dis go make God pay una back and una go bi en shidren, bikos God ensef dey do good for wiked pipol and doz wey nor dey sey tank yu.

John 1:12

But evribody wey receive and bilive en name, e go give dem di rite to bi God pikin.

John 11:52

and nor bi for only di Jew pipol, but make all God shidren, wey dey di world for gada togeda.)

John 8:44

Na devil bi una papa and na di tin wey una papa wont, naim una dey do. E dey kill pipol from di biginnin and e nor dey support wetin good, as e nor get any good tin inside am. Anytime e dey tok, na di lie wey dey inside am, na-im e dey tok, e bi lie-lie pesin, bikos naim bi lie-lie papa.

John 8:47

Di pesin wey bi God pikin, dey listin and do wetin dem rite for God word. Una nor dey listin and una nor dey do wetin dem rite for God word, bikos una nor bi God Pikin.”

Acts 13:10

kon tell am, “Yu devil pikin wey nor like good tin, na so-so wayo and bad tins yu sabi do, yu nor go stop to dey oppoz God?

Romans 13:8

Make love bi di only tin wey yu dey whole! If yu love odas, yu don do evritin wey di law tok.

Efesians 5:1

So, make una dey bihave like shidren wey God love well-well.

Kolossians 3:14

With all dis good tins, make una love one anoda, bikos na love bi di best tin wey fit whole una togeda.

1 Timoti 1:5

But di rizin why I dey give dis kommand, na bikos I love dem from my heart with betta mind and faith.

1 John 2:29

If una know sey E dey raitious, den una go know sey, doz wey dey do wetin God wont, na en shidren dem bi.

1 John 3:1

Make una si di kind love wey awa God get for us. And naw, pipol dey koll us God shidren and true-true, na God shidren wi bi. Di world nor know us, bikos dem nor know am.

1 John 3:2

My friends, wi bi God shidren naw and wi neva know as wi go bi wen Christ go kom back. But wi know sey wi go bi like am, bikos wi go si am just as E bi.

1 John 4:21

God don kommand us sey: “If anybody love mi, make e love en broda and sista for Christ too.”

1 John 4:6

Wi kom from God and di pesin wey know God dey listin to us, but pesin wey nor know God, nor dey gri with us. Dis na how wi take dey know di thru Spirit and di spirit wey dey deceive pipol.

1 John 4:8

but pesin wey nor love en broda nor know God, bikos God na love.

1 John 5:19

Wi know sey wi bi God shidren and dis world wey wi dey so, na wiked pipol dey rule am.

1 John 5:2

Wi go know sey wi love God shidren, wen wi love God and obey en kommandment.

3 John 1:11

My friend, make yu nor follow bad tin, but do wetin dey good. Di pesin wey dey do good, na God own and di pesin wey dey do wetin bad, neva know God.