1 John 3:1 - Holy Bible Nigerian Pidgin English

¹ Make una si di kind love wey awa God get for us. And naw, pipol dey koll us God shidren and true-true, na God shidren wi bi. Di world nor know us, bikos dem nor know am.

1 John 3:1 ပူးပေါင်းရင်းမြစ်များ

2 Samuel 7:19

But Yu dey even do di ones wey pass dem. Yu don promise my shidren-shidren tins for many years wey dey kom and Yu, Oga God don let mi si dis tins.

Psalms 31:19

Si as yor favor great rish; di one wey Yu keep for doz wey dey fear Yu. Yu dey pour dem on pipol wey kom make Yu protet dem and Yu dey bless dem for evribody front.

Jeremaya 3:19

God sey, “I go take una back as my shidren kon give una betta land; di land wey fine pass for di whole world. Den una go koll mi, ‘Papa’ and una nor go turn from mi again.

Hosea 1:10

But di time dey kom wen Israel pipol go plenty like san-san for sea wey nobody fit kount or measure. Aldo God dey sey, “Una nor bi my pipol,” but di day dey kom wen God go sey, “God wey nor dey die, na-im bi una papa!”

Luke 20:36

Dem go bi like angels and dem nor go die again. Dem go bi God shidren, bikos dem don wake-up from deat.

John 1:12

But evribody wey receive and bilive en name, e go give dem di rite to bi God pikin.

John 11:52

and nor bi for only di Jew pipol, but make all God shidren, wey dey di world for gada togeda.)

John 15:21

Since dem nor know di Pesin wey send mi kom, dem go do all dis tins to una bikos of my name.

John 16:3

Dem go do all dis tins, bikos dem nor know mi and my Papa.

John 17:25

Holy Papa, even if di pipol for di world nor know yu, I know yu and dis ones know sey na yu send mi.

John 3:16

“God love di pipol wey dey dis world well-well, so E kon send di only pikin wey E get to us, so dat anybody wey bilive am, nor go die, but e go get life wey nor dey end.

Romans 5:8

But God show how en love for us big rish, wen E send Christ kom die for us, even doh wi still dey sin.

Romans 8:19

Evritin wey God kreate for dis world, dey wait for God to show en shidren to di world.

Romans 8:21

sey one day, God go free dem from deat and wahala and dem go-go join en shidren wey E don save.

Romans 8:32

True-true, if E let dem kill en own pikin for awa sins, den E go fit give us evritin wey wi ask from am free of sharge!

2 Korintians 6:18

kon bi una Papa and una go bi my shidren.” Na so God wey get all di pawa, tok.

Galatians 3:26

Bikos thru Jesus Christ, all of us don bikom God shidren by faith.

Galatians 3:29

And if e bi sey una bilong to Christ, den una bi Abraham shidren and pipol wey go inherit wetin God promise.

Deutronomi 14:1

Since una bi Oga God shidren, make una nor ever kut unasef or shave una hair sey una dey kry for who don die.

Kolossians 3:3

bikos una don die and una life dey save with Christ for inside God.

1 John 3:10

Na like dis una go take know God and devil shidren. Pesin wey nor dey do wetin good for God eye and nor love en broda or sista for Christ, nor bi God pikin.

1 John 3:2

My friends, wi bi God shidren naw and wi neva know as wi go bi wen Christ go kom back. But wi know sey wi go bi like am, bikos wi go si am just as E bi.

1 John 4:17

And as wi dey stay inside God, awa love dey grow more-more. So wi nor go fear for judgement day, but wi go face God with konfident, bikos wi live like Jesus Christ wen wi dey di world.

Revelashon 21:7

Di pesin wey win, go inherit dis tins. I go bi en God and e go bi my pikin.