1 John 2:4 - Holy Bible Nigerian Pidgin English

⁴ Di pesin wey sey, “I know God” and e nor dey do wetin God tok, dat pesin dey lie and di trut nor dey inside am.

1 John 2:4 ပူးပေါင်းရင်းမြစ်များ

John 8:44

Na devil bi una papa and na di tin wey una papa wont, naim una dey do. E dey kill pipol from di biginnin and e nor dey support wetin good, as e nor get any good tin inside am. Anytime e dey tok, na di lie wey dey inside am, na-im e dey tok, e bi lie-lie pesin, bikos naim bi lie-lie papa.

Titus 1:10

Many pipol nor won do wetin God tok, instead, dem dey tok anyhow, dey deceive pipol and follow Jew pipol law wey sey, evribody must sekonsaiz.

Titus 1:16

Dis kind pipol dey sey dem know God, but di way wey dem dey live dia life, show sey dem nor know am, bikos dem get bad mind, dey disobey God and dem nor ever dey like betta tin.

1 John 1:10

If wi sey wi nor dey sin, dat mean sey, God dey lie and di trut nor dey inside us.

1 John 1:6

If wi sey wi bi en friend and wi still dey inside darkness, wi dey lie and trut nor dey awa mout.

1 John 1:8

If wi sey wi nor get sin, wi dey deceive awasef and di trut nor dey inside us.

1 John 2:3

Wen wi do wetin God sey make wi do, den wi go dey sure sey wi know am.

1 John 2:9

Pesin wey sey e dey inside di lite, but e still hate en broda or sista for Christ, dat pesin still dey inside darkness.

1 John 3:6

Anybody wey dey stay inside am nor dey like to sin, but pesin wey dey kommit sin, neva si or know am.

1 John 4:20

If somebody sey, “I love God” and e hate en Christian broda, e dey lie, bikos pesin wey nor love en Christian broda wey e dey si, how e wont take love God wey e nor dey si?

1 John 4:7

My friends, make wi love one anoda, bikos love kom from God and anybody wey love odas, na God pikin and e know God,