1 John 2:26 - Holy Bible Nigerian Pidgin English

²⁶ Na dis tins I dey rite give una about pipol wey dey try to deceive una.

1 John 2:26 ပူးပေါင်းရင်းမြစ်များ

Proverbs 12:26

Doz wey dey fear God dey advise dia friends well, but wiked pipol dey lead dem enter wahala.

Ezekiel 13:10

“Di profets deceive my pipol wen dem tell dem sey evritin dey okay. But evritin nor dey okay at-all! My pipol don build wall with stones wey nor strong and di profets kon paint am fine for dem.

Mark 13:22

Bikos fake christs and profets go kom and dem go do signs and mirakles wey bi like majik to deceive pipol. If to sey e possibol, dem go deceive di pipol wey God don choose.

Kolossians 2:18

Make una nor let doz wey dey pritend and woship angels judge una. Dat kind pesin dey tok anyhow about vishon wey e sey e si, but na yeye tins and sin full en mind.

Kolossians 2:8

Make una take kare and nor let anybody fool una with wayo tok about human being wisdom and spiritual pawas wey dey rule di world, but make una dey do as Christ wont.

1 Timoti 4:1

Di Spirit tok sey for di last days, some pipol go leave di faith kon dey bilive lie-lie spirits and follow wetin demons dey tish.

2 Timoti 3:13

But wiked and evil pipol nor go prosper. Dem go deceive odas and dem go deceive diasef too.

1 John 3:7

So my shidren, make una nor let anybody deceive una: If pesin dey do wetin good for God eye, dat show sey dat pesin dey good, just as Christ dey good for God eye.

2 John 1:7

Bikos pipol wey dey deceive odas, don enter di world; dem nor gri sey Jesus Christ don kom dis world as human being before. Dis kind pipol dey deceive odas and na anti-Christ dem bi!