1 John 2:24 - Holy Bible Nigerian Pidgin English

²⁴ As for una, wetin una don hear from di biginnin, make una let am stay inside una. If wetin una hear from di biginnin stay inside una, una go stay inside di Pikin and en Papa.

1 John 2:24 ပူးပေါင်းရင်းမြစ်များ

Psalms 119:11

I don keep yor word for my heart, so dat I nor go sin against Yu.

Proverbs 23:23

Make yu do anytin to get wisdom, trut, undastand and good sense and if yu get dem, make yu nor sell dem, bikos dem go help yu well-well.

Luke 1:2

as di pipol wey si dem wen dem happen, tell us.

Luke 9:44

“Make una nor forget wetin I won tell una, dem go sell God Pikin give human being.”

John 14:23

Jesus ansa am, “Anybody wey love mi, go do wetin I tok and my Papa go love am, den wi go kon meet and stay with am.

John 15:7

If una stay inside mi and my word dey inside una, anytin wey una ask, I go do am for una.

John 6:56

Di pesin wey chop my flesh and drink my blood, go stay inside mi and I go dey inside am too.

John 8:25

Den dem ask am, “Who yu bi sef?” Jesus ansa, “Na wetin I tell una from di biginnin.

Filippians 4:15

Filippi pipol, una know sey, wen I komot from Masidonia, for di time wen I just start to prish di gospel, na una bi di only church wey help mi and na only una dey follow mi share for my happiness and sofa.

Kolossians 3:16

Make Christ word stay inside una and make una dey tish each oda with wisdom wey go make una heart strong. Make una dey sing psalms, hymns and spiritual song and dey do all dis tins to really tank God from una heart.

Hibru 2:1

Make wi listin to wetin wi don hear, so dat wi nor go fall komot from di rite road.

Hibru 3:14

Bikos wi go bi Jesus Christ friend, if wi whole awa faith strong go rish di end.

1 John 1:3

Na wetin wi don si and hear, wi dey tell una, so dat una go fit bi awa friend, just as wi bi friend with di Papa and en Pikin.)

1 John 1:7

But if wi dey inside di lite as en ensef dey inside lite, all of us go bi en friend and Jesus wey bi en pikin, go use en blood take wosh all awa sins komot.

1 John 2:7

Una wey bi my friends, I nor dey rite new kommandment give una, na di old one wey una get from di biginnin, I still dey rite and una don hear dem before.

1 John 3:24

So anybody wey do all wetin God tok, dey inside am and God dey inside dat pesin too. Wi know sey E dey inside us, bikos di Spirit wey E give us, dey stay inside us.

1 John 4:13

God don give us en Spirit to show sey wi dey inside am and e dey inside us.

1 John 4:15

If anybody sey Jesus na God Pikin, dat show sey, God dey inside am and e dey inside God too.

1 John 4:16

Wi know and bilive sey, God love us and en love dey inside us.

2 John 1:2

Bikos di trut dey inside us, e go stay inside us forever.

2 John 1:9

Pesin wey nor dey follow wetin Christ tish, but dey find oda yeye tishas, nor know God. But pesin wey dey obey dis tishing, get both di Papa and en Pikin.

3 John 1:3

I happy well-well wen awa brodas kom tok about how yu dey always live for di trut.

Revelashon 3:11

I go soon kom. Make yu whole wetin yu get well-well, so dat nobody go take yor crown from yu.

Revelashon 3:3

Make yu remember wetin yu don hear and receive and make yu obey dem kon turn from sin kom meet God. If yu nor shine yor eye well, I go kom like tif and yu nor go know di time wen I go kom.