1 John 2:18 - Holy Bible Nigerian Pidgin English

¹⁸ My shidren, di world don dey end and just as una hear sey, anti-Christ dey kom, make una know sey many anti-Christ don already kom. And dis show us sey di world go soon end.

1 John 2:18 ပူးပေါင်းရင်းမြစ်များ

Matiu 24:11

Many wayo profets go kom and dem go deceive many pipol.

Matiu 24:24

Lie-lie messiahs and profets go kom do big-big mirakles take deceive pipol. If e possibol sef, dem go deceive pipol wey God choose.

Matiu 24:5

Many pipol go kom with my name dey sey, ‘I bi Christ wey bi di Mezaya’ and dem go deceive many pipol.

Mark 13:6

Many pipol go kom with my name sey, ‘Na mi bi Christ’ and dem go deceive many pipol.

John 21:5

Jesus kon ask dem, “My shidren, una katch any fish?” Dem ansa, “No o-o.”

Romans 13:11

Since una know di time wey wi dey naw, make una dey bihave well, bikos di time don rish wen una go wake-up from sleep. Una know sey di day wey God go give us salvashon, don near well-well pass as e bi wen wi first bilive.

Romans 13:12

Nite don nearly finish and day go soon break. So make wi stop to bihave like pipol wey dey darkness and make wi ready to waka for lite.

Hibru 1:2

but naw, E dey tok to us thru en pikin wey get evritin and na thru am, E kreate di world.

1 Pita 1:20

God choose am before E kreate dis world, but na for dis last days E show am to una.

1 Pita 1:5

and en pawa dey protet am thru faith and wi dey wait for di salvashon wey go kom for di time wen di world go end.

1 Pita 4:7

Di time wen evritin go end don near. So make una dey kontrol unasef and shine una eye wen una dey pray.

2 Pita 2:1

As fake profets dey among di pipol before, na so fake tishas go dey among una too. Dis fake tishas go tish lie-lie tins wey fit distroy pesin and dem go sey dem nor know di Masta. Like dis, dem go distroy demsef.

2 Pita 3:3

Afta dis, make una undastand sey: for di last days, yeye pipol go kom and dem go dey do bad tins wey dey hongry dem.

1 John 2:22

Na who dey lie? Na di pesin wey sey Jesus nor bi di Mezaya! Di pesin wey rijet di Papa and en Pikin, na Christ enemy.

1 John 4:1

My friends, make una nor bilive evribody wey sey na God Spirit dey tok thru am. Una must test am to know weda na God Spirit e really get. Bikos many fake profets dey for dis world.

1 John 4:3

But evribody wey nor gri sey Jesus na Oga God, dat pesin spirit nor kom from God. Dat na di anti-Christ spirit wey una hear sey dey kom and e don already dey dis world.

2 John 1:7

Bikos pipol wey dey deceive odas, don enter di world; dem nor gri sey Jesus Christ don kom dis world as human being before. Dis kind pipol dey deceive odas and na anti-Christ dem bi!

Jude 1:18

Dem sey, “For di time wen dis world won end, some pipol go dey laf una and di tins wey God hate wey dey hongry dem to do, naim go dey push dem.”