1 John 1:7 - Holy Bible Nigerian Pidgin English

⁷ But if wi dey inside di lite as en ensef dey inside lite, all of us go bi en friend and Jesus wey bi en pikin, go use en blood take wosh all awa sins komot.

1 John 1:7 ပူးပေါင်းရင်းမြစ်များ

Psalms 104:2

Yor dress dey shine like lite and Yu stresh di sky like curtain for heaven;

Psalms 51:2

Make Yu wosh and klean mi from di bad tins wey I do. Klean mi from all my sins.

Psalms 56:13

Yu don save mi from deat and Yu nor let mi fall at-all, so I go always dey serve Yu, as I dey enjoy dis life.

Psalms 89:15

Pipol wey dey woship Yu, dey always dey happy; dem go waka for di lite wey dey yor present, bikos Yu don favor dem.

Psalms 97:11

Pipol wey dey fear God, lite dey shine for dia body and doz wey get pure heart, dey always happy.

Isaya 2:5

So, Jakob shidren-shidren, make wi waka with di lite wey God take dey guide us!”

Isaya 33:24

Nobody for Zion go sey, “I know well or I dey sick”, di pipol wey dey der, God go forgive dem dia sins.

Isaya 6:7

E use di hot shako take tosh my lips kon sey, “Dis tin don tosh yor lip, so from naw, yu don dey klean, bikos God don forgive yu.”

Amos 3:3

Two pipol go fit waka togeda, if dem nor gri?

Zekaraya 13:1

God sey, “For dat day, I go open one place where wota go for rush kom wosh David shidren-shidren and Jerusalem pipol from all dia sins and all di bad-bad tins wey dem dey do.

Matiu 6:12

forgive us all di bad-bad tins wey wi don do, as wisef dey forgive odas di bad tins wey dem do us.

John 1:29

Wen day break, John si Jesus dey waka kom meet am, den John sey, “Make una look! Dis na di Sheep wey God send kom die, so dat God go forgive us awa sins.”

John 12:35

Jesus ansa dem, “My lite nor go dey with una tey. Naw wen di lite dey, make una take am waka, so dat darkness nor go kover una. Bikos di pesin wey dey waka for darkness, nor dey si where e dey go.

John 5:4

From time to time, one angel dey kom shake di wota and anybody wey first enter di wota afta di angel don shake am, go well.

Romans 13:12

Nite don nearly finish and day go soon break. So make wi stop to bihave like pipol wey dey darkness and make wi ready to waka for lite.

1 Korintians 6:11

Na so some among una bi before, but naw, God don wosh una klean thru Jesus Christ name and en Spirit pawa, don make una klean for en eye.

Efesians 1:7

Na thru Christ blood wi take get salvashon and na dis blood make God dey forgive us awa sins, bikos en grace big well-well.

Efesians 5:8

Before-before, una dey for darkness, but naw, una bi lite wey dey shine inside Christ. So make una dey do tins like shidren wey get lite,

1 Timoti 6:16

Dis God nor fit die and E dey stay for lite wey nobody fit waka near. Lite wey human being neva fit si. Make all honor and pawa bi en own forever and ever. Amen!

Titus 2:14

E die for us, so dat e go free and klean us from wikedness kon turn us to en own pipol wey like to do good tins.

Hibru 9:14

wot of Christ blood wey klean us from deat, so dat wi go fit woship God? Dis na di Christ wey offa ensef to God as di rite sakrifice for awa sins and e do am with di Holy Spirit pawa.

James 1:17

bikos evry betta and pafet gift dey kom from God. E dey kom down from di Papa wey kreate lite and E nor dey shange.

1 Pita 1:19

but na with Christ blood and na dis Christ bi God lamb wey nor get any mark or stain.

1 John 1:3

Na wetin wi don si and hear, wi dey tell una, so dat una go fit bi awa friend, just as wi bi friend with di Papa and en Pikin.)

1 John 1:5

Na di message wey wi hear from am, naim wi dey tell una so: Na God bi lite and darkness nor dey inside am at-all.

1 John 5:6

Na Jesus Christ kom dis world with wota and blood. Nor bi only with wota, but na with di wota and di blood. And God Spirit bear witness sey dis na true, bikos na God Spirit bi di trut.

1 John 5:8

God Spirit, di wota and di blood and dis three witness dey tok di same tin.

2 John 1:4

I dey happy well-well, wen I si sey some among yor shidren dey live akordin to di trut, just as di Papa kommand us.

3 John 1:4

Wetin make mi happy well-well na wen I hear sey my shidren dey live akordin to di trut.

Revelashon 1:5

and from Jesus Christ, di witness wey dey tok trut; di first-born among doz wey God raiz from deat and naim bi di King of all kings. Christ wey love and free us from awa sins with en own blood;

Revelashon 12:11

God pipol don win Satan with di Lamb blood and with di word wey dem tok about Christ. Dem nor too kare for dia life, so dem even dey ready to die.

Revelashon 7:14

I kon ansa, “My oga, na yu know di ansa.” Den e sey, “Dis pipol die bikos of Christ. Dem don use di Lamb blood take wosh dia klot, naim make am white like dat!