Yozue 11:23 - Beibel na Papiamentu Koriente 2013

²³ Ora Yozue a kapturá henter e pais, manera SEÑOR a bisa Moises, el a duna Israel e komo propiedat, partí entre e tribunan. Despues tabata reina pas den e pais.

Papiamentu Bible 2013

²³ Ora Yozue a kapturá henter e pais, manera SEÑOR a bisa Moises, el a duna Israel e komo propiedat, partí entre e tribunan. Despues tabata reina pas den e pais.

Yozue 11:23 ပူးပေါင်းရင်းမြစ်များ

Nehemías 9:24

Nan a drenta e pais i konkist'é. Bo a pone e habitantenan original, e kanaanitanan, na rudia. Bo a entregá nan den man di nos antepasadonan. E israelitanan por a hasi loke nan tabata ke ku e reinan i e habitantenan di e pais.

Salmo 46:9

E ta kaba ku guera tur kaminda riba mundu. E ta kibra bog, ta plama lansa na wèrki i garoshinan di guera E ta pega na kandela.

Éksodo 34:11

Kumpli ku e mandamentunan ku Mi ta duna boso awor. Mi ta kore ku e habitantenan di e pais kaminda boso ta bai: ku e amorita-, kanaanita-, hetita-, perizita-, hiwita- i yebusitanan.

Ezekiel 45:8

Esei ta su propiedat na Israel. Nunka mas mi gobernantenan lo no oprimí mi pueblo: nan lo laga sobrá di e pais pa e diferente tribunan di Israel.’

Deuteronomio 1:38

Yozue, yu di Nun, bo sirbidó, sí ta drenta aya, anim'é, pasobra t'e lo guia Israel ora nan tuma e pais pa nan.”

Deuteronomio 25:19

Ora boso ta na e pais ku SEÑOR, boso Dios, ta bai duna boso i E perkurá pa tur e enemigunan ku ta rondoná boso laga boso na pas, kita rekuerdo di Amalèk for di riba mundu. No lubidá esei nunka.

Yozue 11:18

Hopi tempu el a bringa kontra nan.

Yozue 12:7

Bou di guia di Yozue e israelitanan a derotá e reinan parti wèst di Yordan den e teritorio for di Baal-Gad den sabana di Libanon te na seru Halak ku ta subi bai Seír. Yozue a parti e teritorio di e reinan akí entre e tribunan di Israel komo propiedat permanente pa kada un di e tribunan.

Yozue 18:10

Yozue a tira lòt pa konsultá SEÑOR. El a parti e pidanan di e pais entre e israelitanan.

Yozue 22:4

Awor SEÑOR, boso Dios, a kumpli ku su promesa: boso rumannan ta biba den trankilidat. Asina ta, bai boso kas bèk na e pais ku Moises, sirbidó di SEÑOR, a duna boso komo propiedat na e otro banda di Yordan.

Yozue 23:1

Ya tabatin hopi tempu ku SEÑOR a perkurá pa di tur banda e enemigunan laga Israel na pas. Yozue tabata basta bieu.