Salmo 43:2 - Beibel na Papiamentu Koriente 2013

² Abo, mi Dios, ta mi refugio, di kon B'a bandoná mi? Di kon mi ta kana tur tristu, hostigá pa mi enemigu?

Papiamentu Bible 2013

² Abo, mi Dios, ta mi refugio, di kon B'a bandoná mi? Di kon mi ta kana tur tristu, hostigá pa mi enemigu?

Salmo 43:2 ပူးပေါင်းရင်းမြစ်များ

1 Krónikanan 28:9

I abo, mi yu Salomon, rekonosé i stima e Dios di bo tata, sirbiÉ di henter bo alma i ku un kurason dispuesto, pasobra SEÑOR ta skrudiñá tur kurason i tur loke hende por pensa. Si bo busk'É, lo E laga bo hañ'É; pero si bo bandon'É, lo E rechasá bo pa semper.

Salmo 140:7

SEÑOR, mi Dios, mi Forsa i Salbador, Bo ta mi hèlmu riba dia di kombate.

Salmo 28:7

SEÑOR ta mi forsa, mi eskudo: mi kurason tin fe den djE. Anto mi a haña yudansa, mi kurason ta hubilá i mi ta gradisiÉ den mi kantika.

Salmo 31:4

Abo por saka mi for di e trampa ku ketu ketu nan a arma pa kohe mi: no t'Abo ta Esun ku ta mi forsa?

Salmo 42:10

Ku gritu ku ta garna mi wesunan enemigu ta ultrahá mi, miéntras nan ta puntra henter dia: ‘Unda bo Dios ta?’

Salmo 42:9

Mi ta bisa Dios: ‘Mi Baranka, di kon B'a lubidá mi? Di kon mi ta kana tur tristu, hostigá pa mi enemigu?’

Salmo 44:9

Ma awor B'a rechasá nos, pone nos na bèrgwensa, Bo no ta sali mas na kabes di nos trupanan.

Salmo 71:9

No rechasá mi, awor ku mi ta bieu; mi forsa ta bai, no bandoná mi!

Salmo 77:7

Señor lo rechasá nos pa semper? L'E no mustra su kariño nunka mas?

Salmo 88:15

Fo'i ten mi ta'ta mucha mi a sufri i mi a biba na boka di buraku; m'a soportá kos teribel di bo parti, te pone man na kabes.

Salmo 94:14

Nò, SEÑOR lo no nenga su pueblo, ni bandoná esnan ku ta di djE.

Éksodo 15:2

SEÑOR ta duna mi forsa, p'E mi ta kanta, t'E a duna mi salbashon. E ta mi Dios, E mi ke gaba. Ta Dios di mi tata, E mi ta honra.

Isaías 40:31

pero esnan ku konfia den SEÑOR ta haña forsa nobo kada be; nan lo bula altu manera águila. Nan ta kore sin kansa nan ta kana sin pèrdè rosea.

Isaías 45:24

Nan lo bisa di Mi: “Ta serka SEÑOR so viktoria i poder ta reina.” ’ Tur ku a rebeldiá kontra SEÑOR lo bini bèk serka djE, yen di bèrgwensa.

Zakarías 10:12

Mi ta hasi mi pueblo fuerte i nan lo sali den mi nòmber.’ Esaki SEÑOR ta deklará.

Efesionan 6:10

Pa terminá, mi rumannan: buska boso forsa den Señor i den su gran poder.

Filipensenan 4:13

Mi por enfrentá tur kos pa medio di Esun ku ta duna mi forsa.