Proverbionan 6:21 - Beibel na Papiamentu Koriente 2013

²¹ Warda nan pa semper den bo kurason; bisti nan na bo garganta.

Papiamentu Bible 2013

²¹ Warda nan pa semper den bo kurason; bisti nan na bo garganta.

Proverbionan 6:21 ပူးပေါင်းရင်းမြစ်များ

Proverbionan 3:3

Sòru pa semper bo ta fiel i ta papia bèrdat; bisti fieldat i bèrdat manera un kadena na bo garganta, graba nan den bo mente.

2 Korintionan 3:3

Ta bon kla tòg ku boso ta un karta di Kristu, skibí ku nos yudansa, no ku enk, pero ku Spiritu di Dios bibu; no riba tabla di piedra, pero riba tabla ku ta kurason di hende.

Proverbionan 4:6

No bandoná sabiduria i lo e protegé bo; stim'é i lo e warda bo.

Deuteronomio 6:8

Laga e mandamentunan akí ta manera un señal mará na boso man i un rekuerdo mará riba boso frenta pa boso keda kòrda nan.

Éksodo 13:16

Laga e mandamentunan akí ta manera un señal na boso man i un rekuerdo riba boso frenta pa kòrda boso ku SEÑOR a saka nos ku gran poder for di Egipto.” ’

Proverbionan 4:21

No pèrdè nan for di bista, warda nan te den profundo di bo kurason.

Éksodo 13:9

Laga e fiesta akí ta manera un señal na boso man i manera un rekuerdo riba boso frenta, pa asina bo papia semper di lei di SEÑOR. Pasobra ku gran poder El a saka boso for di Egipto.