Predikador 3:16 - Beibel na Papiamentu Koriente 2013

¹⁶ Mi por a ripará tambe ku riba e mundu akí tin korupshon i maldat, kaminda mester tin hustisia i rektitut.

Papiamentu Bible 2013

¹⁶ Mi por a ripará tambe ku riba e mundu akí tin korupshon i maldat, kaminda mester tin hustisia i rektitut.

Predikador 3:16 ပူးပေါင်းရင်းမြစ်များ

Predikador 4:1

Despues mi a dirigí mi atenshon riba e aktonan di opreshon ku hende ta kometé den e mundu akí. I mi a mira hende oprimí yora, pero no tin hende pa konsolá nan; nan opresornan ta trata nan ku violensia, pero no tin hende pa konsolá nan.

Predikador 5:8

No keda asombrá ku tin hende ku ta oprimí hende pober i kita tur nan derechonan. Pasobra funshonarionan di estado ta protegé otro te den e rangonan di mas altu.

Echonan 23:3

Pablo a bis'é: ‘Dios lo dal bo, muraya blanku blanchá! Bo ta sinta einan ta husga mi segun Lei, i kontrali na Lei bo mes ta manda dal mi.’

Hakobo 2:6

Pero boso ta menospresiá hende pober! No ta hende riku ta oprimí boso i lastra boso hiba dilanti hues?

Mateo 26:59

E saserdotenan importante i henter Konseho Supremo tabata buska testimonio falsu kontra Hesus pa nan por a mat'É,

Sofonías 3:3

Su gobernantenan ta meskos ku leon ku ta grita pa víktima, su huesnan meskos ku lobo ku ta yag den anochi i no ta laga niun wesu su manisé.

Mikéas 7:3

Hende su mannan ta eksperto den maldat. Funshonario- i huesnan ta eksigí sèn bou 'i mesa; hende ku plaka ta manda na nan antoho, asina ei tur ta konspirá huntu.

Mikéas 2:2

Si boso haña gana di kunuku, boso ta hòrt'é. Kas? Simplemente, boso ta poderá di dje. Boso ta abusá tantu di hende, di su famia, komo dje patrimonio, ku pa derecho ta tok'é.

Isaías 59:14

Nos ta pusha derecho i hustisia un banda, niun kaminda n' por haña nan; na lugánan públiko sinseridat i honestidat ta kibra nan garganta, nan no ta haña entrada.

Predikador 8:9

Tur e kosnan akí mi a mira i mi a paga tinu na kada kos ku a sosodé riba e mundu akí, miéntras esun hende ta manda riba e otro pa perhudik'é.

Predikador 5:7

Pasobra soña i papia hopi ta mes sin sentido. Preferibel tene rèspèt di Dios.