Predikador 2:3 - Beibel na Papiamentu Koriente 2013

³ Miéntras sabiduria tabata guia mi mente ainda, mi a buska manera pa zeta mi kurpa ku bibida i a brasa bobedat, te ora mi por a mira kiko ta bon pa hende mortal hasi durante e tiki dianan di nan bida aki riba mundu.

Papiamentu Bible 2013

³ Miéntras sabiduria tabata guia mi mente ainda, mi a buska manera pa zeta mi kurpa ku bibida i a brasa bobedat, te ora mi por a mira kiko ta bon pa hende mortal hasi durante e tiki dianan di nan bida aki riba mundu.

Predikador 2:3 ပူးပေါင်းရင်းမြစ်များ

Génesis 47:9

Yakob a kontest'é: ‘Mi tin 130 aña ta bai di un lugá pa otro, komo strañero. Den e poko tempu ei mi a pasa den hopi kos. I ainda mi no a alkansá e kantidat di aña ku mi antepasadonan a biba komo strañero.’

Job 14:14

Si hende por bolbe biba despues di morto ami ta dispuesto pa warda, maske kon mizerabel mi bida ta.

Salmo 104:15

biña pa alegrá su kurason, zeta pa lombra su kara i alimento ku lo tin ku dun'é forsa.

Proverbionan 20:1

Biña ta pone hende chèrchè, bibida stèrki ta pon'é borotá, hende bou di influensia no ta aktua ku sabiduria.

Predikador 1:17

Despues di tur e tempu akí di opservashon mi a bisa: ‘Tòg mi mester por mira e diferensia entre sabí ku bobo, entre inteligente ku kabes duru.’ Mi a bin realisá ku esaki tambe ta un hungamentu di kore kue ku bientu.

Predikador 10:19

Fiesta ta pa hari, i biña ta hasi hende kontentu, pero pa tur kos bo mester di plaka.

Predikador 12:13

Bo a tende tur kos i esaki ta e konklushon: tene rèspèt di Dios i kumpli ku su mandamentunan, ta esei ta importante.

Predikador 2:24

Úniko kos ku ta keda ta kome, bebe i gosa di loke bo a mata kurpa p'e. I mi a komprondé ku asta esei ta den man di Dios.

Predikador 5:18

Mi a deskubrí ku e mihó kos i kos mas agradabel ta: kome i bebe i gosa di e fruta di tantu mata kurpa riba e mundu akí durante e tempu kòrtiku ku Dios ta duna nos, pasobra esei ta loke ta toka nos.

Predikador 6:12

Pasobra ningun hende no sa kiko ta bon pa hende den e bida pasahero i kòrtiku akí; e ta pasa bai manera sombra. I ningun hende lo no por konta otro kiko lo pasa riba e mundu akí despues di su morto.

Predikador 7:18

Ta bon pa gara esun konseho, sin laga e otro kai. Pasobra es ku teme Dios lo logra ku tur dos.

Predikador 7:25

Mi a hasi tur kos pa haña konosementu i a yega awor na un konklushon. Mi mester por a mira tòg, ku esun ku ta inhustu ta bobo i ku esun ku no ta tende di Dios n' ta nada mas ku dònferstan.

Predikador 8:15

P'esei mi ta gaba esnan ku ta gosa di nan bida, pasobra e kos di mas mihó pa hende riba e mundu akí ta ketu bai: kome i bebe i ta kontentu. Ta e úniko kos ku e tin tanten ku e ta mata kurpa den e eksistensia kòrtiku ku Dios ta dun'é aki riba mundu.

Mateo 6:24

Niun hende no por sirbi dos shon, pasobra lo e odia esun i stima e otro. Lo e pega un na su kurason i menospresiá e otro. Ta imposibel sirbi Dios i plaka tambe.

Efesionan 5:18

No bebe burachi, pasobra biña ta pone hende pèrdè kabes, ma laga Spiritu Santu yena boso.

Huesnan 9:13

Pero mata di wendrùif a bisa nan: “Boso ta kere mi ta stòp di duna biña, ku ta hasi tantu hende komo Dios kontentu, djis pa mi goberná pasobra boso ke?”

1 Samuel 25:36

Ora Abigail a yega kas, el a mira ku Nabal a organisá un komementu digno di un rei. Nabal mes tabata mashá kontentu i bon burachi. P'esei Abigail no a bis'é nada promé ku di dia a habri.