Lukas 11:9 - Beibel na Papiamentu Koriente 2013

⁹ Tambe Mi ta bisa boso: Pidi i boso lo risibí; buska i boso lo haña; bati i porta lo habri pa boso.

Papiamentu Bible 2013

⁹ Tambe Mi ta bisa boso: Pidi i boso lo risibí; buska i boso lo haña; bati i porta lo habri pa boso.

Lukas 11:9 ပူးပေါင်းရင်းမြစ်များ

Salmo 118:5

Den mi ansha mi a sklama na SEÑOR, SEÑOR a tende i a duna mi rosea.

Salmo 27:4

Un kos so mi a roga SEÑOR, esei so mi t'anhelá: ku mi por biba den kas di SEÑOR tur dia di mi bida pa kontemplá splendor di SEÑOR i bishitá su tèmpel.

Salmo 27:8

Bo di — mi kurason ta ripitié —: ‘Buska mi Kara.’ Bo Kara mes mi ke buska, SEÑOR!

Salmo 34:10

Leonnan yòn ta pasa hamber i trafat, ma esnan ku ta buska SEÑOR no ta falta ningun bendishon.

Salmo 34:4

M'a akudí na SEÑOR: El a skucha mi, El a libra mi di tur mi temornan.

Salmo 50:15

Si e ora ei bo yama Mi den apuro, lo Mi libra bo i abo lo honra Mi.’

E kanto di tur kanto 5:6

M'a habri porta pa mi amor, pero e no tabat'ei, el a somentá! Mi kurason a bai mi plant'i pia, ora el a disparsé. M'a busk'é sin por a hañ'é, m'a yam'é, pero e no a rospondé.

Isaías 45:19

Mi no a papia den sekreto, ku stèm k'a sali fo'i mundu di skuridat. Mi no a bisa desendientenan di Yakob: “Buska Mi enbano.” Ami ta SEÑOR, mi palabra ta hustifiká, kos drechi Mi ta papia.

Yeremías 29:12

Kada be ku boso invoká Mi i bini serka Mi den orashon, Mi ta skucha boso.

Yeremías 33:3

‘Yama Mi i Mi ta rospondé! Lo Mi konta bo di kosnan grandi, insondabel, kosnan ku bo no sa ni por sa di dje tampoko.

Daniel 9:3

Mi a dirigí mi orashon i súplikanan na SEÑOR Dios, mi a yuna, mi a bisti paña di penitensia i mi a stroi shinishi riba mi kabes.

Mateo 21:22

Si boso konfia, boso lo risibí tur loke boso pidi den orashon.’

Mateo 21:31

Kua di nan dos a kumpli ku boluntat di e tata?’ Nan a kontestá: ‘E mayó.’ Hesus a sigui bisa nan: ‘Mi ta sigurá boso: kobradó di belasting i muhé di bida ta drenta reino di Dios promé ku boso.

Mateo 6:29

Sinembargo Ami ta bisa boso ku ni rei Salomon den tur su grandesa no tabata bisti mes bon ku un di nan.

Marko 11:24

P'esei Mi ta bisa boso: Tur loke boso resa pidi p'e, kere ku boso a hañ'é kaba, boso lo hañ'é tambe.

Marko 13:37

Loke Mi ta bisa boso, Mi ta bisa tur hende: Sea alerta!’

Lukas 11:10

Pasobra ken ku pidi, lo risibí; ken ku buska, lo haña; i ken ku bati, porta lo habri p'e.

Huan 14:13

Kiko ku boso pidi den mi nòmber lo Mi hasi, ya asin'ei e Yu ta mustra gloria di Tata.

Huan 15:16

No ta boso a skohe Mi, ma ta Ami a skohe boso i Mi a apuntá boso pa bai i karga hopi fruta; fruta ku ta keda. Loke boso pidi Tata den mi nòmber, E ta duna boso.

Huan 15:7

Si boso keda den Mi i mi palabranan keda den boso, pidi e ora ei loke boso ke i boso ta hañ'é.

Huan 4:10

Hesus a kontestá e muhé: ‘Si bo tabata konosé e don ku Dios ta duna i tabata sa ken ta pidi bo un poko awa pa bebe, abo lo a pidiÉ awa i lo El a duna bo awa ku ta duna bida!’

Romanonan 2:7

Esnan ku ta sigui perseverá den loke ta bon i ta buska gloria, honor i bida ku no ta kaba nunka, Dios lo duna bida eterno.

2 Korintionan 6:2

Pasobra E ta bisa: ‘Na e momento apropiá, Mi a skucha bo orashon; ora e dia di liberashon a yega, Mi a sali pa yuda bo.’ Tende, esaki ta e momento apropiá; awe ta e dia di salbashon!

Hebreonan 11:6

Si un hende no ta kere den Dios, ta imposibel pa e hasi loke Dios ke. Pasobra es ku ke bai serka Dios, mester kere ku E ta eksistí i ku E ta rekompensá esnan ku ta busk'É.

Hebreonan 4:16

Ban aserká Dios su trono, antó ku konfiansa, kaminda por haña grasia, pa E tene mizerikòrdia ku nos i den su bondat yuda nos na ora di nesesidat.

Hakobo 1:5

Si kualke un di boso falta sabiduria, resa pidi Dios i lo E duna bo e, pasobra Dios ta gusta duna tur hende sin límite, sin tira nada na nan kara.

Hakobo 5:15

I e petishon ei, hasí ku fe, ta kura e hende malu; Señor ta lant'é i si el a hasi piká, Señor lo pordon'é.

1 Huan 3:22

i nos ta haña tur kos ku nos pidiÉ, pasobra nos ta obedesé su mandamentunan i ta hasi loke ta agrad'É.

Revelashon 2:24

Pero e otronan na Tiateira, ku no ta sigui e enseñansa akí i ku no a siña konosé e “sekretonan di mas skondí di Satanas”, manera ta yama e kos ei, Mi ta bisa: Lo Mi no duna boso otro obligashon.