Isaías 14:14 - Beibel na Papiamentu Koriente 2013

¹⁴ Lo mi subi mas altu ku kabes di nubianan, e ora ei porfin lo mi ta Dios Altísimo su pareu.”

Papiamentu Bible 2013

¹⁴ Lo mi subi mas altu ku kabes di nubianan, e ora ei porfin lo mi ta Dios Altísimo su pareu.”

Isaías 14:14 ပူးပေါင်းရင်းမြစ်များ

Génesis 3:5

Al kontrario… Dios sa ku dia boso kome for di e palu ei boso wowo ta habri. E ora ei boso lo ta meskos ku Dios, pasobra boso lo sa kiko ta bon i kiko ta malu.’

Job 20:6

Maske e hende akí ta elevá riba tur hende i su kabes ta yega te den nubia ayá,

Isaías 21:1

Dios ta bai baha pisá riba Babilonia, e Desierto na Riu. Manera warwarú ku ta ranka bini for di desierto, asina desaster ta bini for di sabana, for di un pais spantoso.

Isaías 47:1

SEÑOR ta bisa: ‘Baha fo'i bo trono, Bábel, dams fini! Kai sint'abou na suela den tera, yu muhé di babilonionan! Bo a karga nòmber di suave i delikado pero esei a pasa pa historia.

Isaías 47:8

Anto awor, habri orea, muhé rechá, abo, asina sigur di bo mes, k'a pensa: “No tin manera mi, ami sí no ta keda biuda, ami sí n' ta pèrdè mi yunan!”

Yeremías 51:1

SEÑOR ta bisa: ‘Mi ta laga un bientu destruktor lanta kontra e siudat Bábel, sí, kontra tur hende ku ta biba na Babilonia.

Ezekiel 28:2

‘Hende, bisa rei di Tiro: Esaki SEÑOR, mi Dios, ta bisa: Bo a haña mashá pretenshon i a bisa: “Mi ta un dios, mi ta sinta riba un trono dibino, meimei di laman.” Ounke ta hende bo ta i no un dios, bo a hinka den bo kabes ku bo ta un dios.

Ezekiel 31:10

Esaki ta loke SEÑOR, mi Dios, ta bisa: ‘Tempu e tabatin tronkon altu i su tòp tabata yega te den nubianan, su kabes a susha.

Daniel 11:36

E rei di parti nort ta hasi manera e haña ta bon. Den su orguyo e ta gaba ku e ta alsá riba tur dios. Te asta Dios altísimo e ta blasfemá. Lo bai e bon, te ora kana di Dios su ira yena. Pasobra loke Dios a disidí, ta sosodé.

Daniel 11:37

E rei no ta respetá e diosnan ku su antepasadonan a adorá, ni esun ku spesialmente hende muhé ta stima, ni niun otro dios. E ta konsiderá su mes superior na tur.

2 Tesalonisensenan 2:4

E hòmber ei ta esun ku ta lanta kontra tur loke ta karga nòmber di Dios i ta digno di adorashon, i ta alsa su mes riba nan. E ta yega asina leu ku e ta bai sinta den tèmpel di Dios i proklamá públikamente ku t'é mes ta Dios!