Hebreonan 8:3 - Beibel na Papiamentu Koriente 2013

³ Tur gransaserdote tin komo tarea ofresé sakrifisio i ofrenda; p'esei e gransaserdote akí tambe mester di algu pa ofresé komo sakrifisio.

Papiamentu Bible 2013

³ Tur gransaserdote tin komo tarea ofresé sakrifisio i ofrenda; p'esei e gransaserdote akí tambe mester di algu pa ofresé komo sakrifisio.

Hebreonan 8:3 ပူးပေါင်းရင်းမြစ်များ

Huan 6:51

Ami ta e pan bibu ku a baha for di shelu. Si un hende kome e pan akí, e ta biba pa semper. E pan ku Ami lo duna ta mi mes karni, ku Mi ta duna pa mundu haña bida!’

Romanonan 4:25

Hesus a keda entregá na morto pa nos pikánan i a lant'É for di morto pa Dios por aseptá nos komo hustu.

Romanonan 5:6

Nèt na momento ku nos no por a yuda nos kurpa, Kristu a muri pa hende ku no ta tene kuenta ku Dios.

Romanonan 5:8

Dios sí ta demostrá su amor pa nos dor ku Kristu a muri pa nos miéntras nos tabata pekadó ainda.

Galatanan 2:20

i ya no ta ami mes ta biba, pero ta Kristu ta biba den mi. E bida ku mi ta biba awor akí den e kurpa akí, mi ta biba pa medio di fe den Yu di Dios, ku a mustra mi su amor i a entregá su bida pa mi.

Efesionan 5:2

Biba den amor; tuma ehèmpel di Kristu ku a stima nos i a entregá su bida pa nos komo un sakrifisio ku ta hole dushi, un ofrenda ku ta agradá Dios.

Tito 2:14

Ta Hesu-Kristu a entregá su bida pa nos pa por libra nos di tur maldat i purifiká nos, di manera ku nos por bira su mes pueblo, zeloso pa hasi bon obra.

Hebreonan 2:17

P'esei E mester a bira den tur sentido pareu na su rumannan, di manera ku E por a bira un gransaserdote mizerikordioso i fiel dilanti di Dios i asina paga pa e pikánan di e pueblo.

Hebreonan 3:1

P'esei, rumannan, boso ku ta pertenesé na Dios i ku El a yama pa ta di djE, paga bon tinu na Hesus, Apòstel i Gransaserdote di e fe ku nos ta profesá.

Hebreonan 5:1

Kada gransaserdote ta keda skohí for di hende i nombrá pa representá hende serka Dios; e mester ofresé sakrifisio i ofrenda pa piká.

Hebreonan 7:27

Tampoko E no tin mester di ofresé sakrifisio kada dia di nobo, promé pa su mes pikánan i despues pa esunnan di e pueblo, meskos ku e gransaserdotenan, pasobra El a hasi esaki un bia i pa semper, dia El a sakrifiká su mes.

Hebreonan 8:4

Si E tabata na mundu, lo E no tabata saserdote mes, pasobra aya tin saserdote kaba ku ta ofresé sakrifisio preskribí pa lei.

Hebreonan 9:14

Kuantu mas forsa e sanger di Kristu tin e ora ei! Pasobra pa medio di e Spiritu eterno El a ofresé su mes na Dios komo un sakrifisio perfekto i asina a purifiká nos konsenshi di tur obra ku ta hiba na morto, di manera ku nos por sirbi e Dios berdadero.