Esdras 8:1 - Beibel na Papiamentu Koriente 2013

¹ Aki ta sigui e lista di nòmber di e kabesnan di famia segun registro, esta esnan ku bou di gobernashon di rei Artaxèrxès a sali for di Babilonia huntu ku mi, Esdras:

Papiamentu Bible 2013

¹ Aki ta sigui e lista di nòmber di e kabesnan di famia segun registro, esta esnan ku bou di gobernashon di rei Artaxèrxès a sali for di Babilonia huntu ku mi, Esdras:

Esdras 8:1 ပူးပေါင်းရင်းမြစ်များ

1 Krónikanan 24:31

Meskos ku e saserdotenan, desendiente di Aaron, ku tabata nan famia, nan a tira lòt pa e sekuensia pa tene sirbishi. A trata e famia di e ruman mayó meskos ku esun di e di mas chikí. Na e akto akí tabata presente, rei David, Sadok, Ahimelèk i e kabesnan di famia di saserdotenan i di levitanan.

1 Krónikanan 26:32

For di famia Yeriahu, rei David a skohe 2700 kabes di famia, hòmber balente, ku el a enkargá ku tur asuntu religioso i di gobièrnu den e regionnan parti ost di Yordan: esta Ruben, Gad i mitar tribu di Manase.

1 Krónikanan 4:33

Ademas nan tabatin diferente pueblesito rondó di e siudatnan ei te na siudat Baal. Kada famia tabatin su mes kaminda di biba i tabata registrá su mes hendenan.

1 Krónikanan 9:1

Tur israelita tabata inskribí den e lista di famia ku tabata registrá den buki di reinan di Israel. Pueblo di Huda a bai komo prizonero Babilonia, pasobra el a bira lomba pa Dios.

1 Krónikanan 9:34

Esakinan tabata kabes di e famianan levita ku tabata biba na Herusalèm e tempu ei.

2 Krónikanan 26:12

E ehérsito tabata bou di mando di 2600 kabes di famia.

Esdras 1:5

E ora ei e kabesnan di famia di Huda i Benhamin, tambe e saserdotenan i e levitanan, den un palabra tur esnan ku Dios a pone den nan kurason pa tuma e desishon pa bai bèk, a prepará nan mes pa bai rekonstruí tèmpel di SEÑOR na Herusalèm.

Esdras 2:3

Di famia di Parosh: 2172;

Esdras 2:62

Nan a buska registro ku por a proba nan desendensia sin por a haña nan. P'esei a ekskluí nan for di e funshon di saserdote.

Esdras 7:13

Mi ta duna pèrmit pa tur israelita den mi reino ku ta dispuesto pa bai Herusalèm ku bo, hasi esei, tambe si nan ta saserdote òf levita.

Esdras 7:28

T'E a pone ku rei, su konseheronan i tur su funshonarionan altu tabata ke mi bon. Pasobra SEÑOR, mi Dios, tabata ku mi, mi a haña kurashi pa reuní e kabesnan di famia israelita pa bai Herusalèm.

Esdras 7:6

Esdras tabata un dòktor di lei, eksperto den e lei ku SEÑOR, Dios di Israel, a duna pa medio di Moises. Komo SEÑOR tabata kuné, rei a kumpli ku tur loke el a pidi. Esdras a bai Herusalèm for di Babilonia

Esdras 7:7

i huntu kuné a bai un kantidat di israelita. Tabatin entre nan saserdote, levita, kantor, tambe guardia i sirbiente di tèmpel.

Esdras 8:2

Guershom, di famia di Pinhas; Daniel, di famia di Itamar; Hatush, yu di Shekanías, di famia di David; Zakarías, di famia di Parosh, kompañá pa 150 hòmber, notá den e lista;