Esdras 7:25 - Beibel na Papiamentu Koriente 2013

²⁵ I abo, Esdras, ku e sabiduria ku Dios a duna bo, nombra hues i gobernante. Nan mester praktiká hustisia den henter pueblo di e provinsia parti wèst di riu Eufrat, esta pa tur esnan ku konosé lei di bo Dios. I esnan ku no konosé lei, bo mester siña nan konos'é.

Papiamentu Bible 2013

²⁵ I abo, Esdras, ku e sabiduria ku Dios a duna bo, nombra hues i gobernante. Nan mester praktiká hustisia den henter pueblo di e provinsia parti wèst di riu Eufrat, esta pa tur esnan ku konosé lei di bo Dios. I esnan ku no konosé lei, bo mester siña nan konos'é.

Esdras 7:25 ပူးပေါင်းရင်းမြစ်များ

Génesis 41:38

p'esei e fárao a bisa nan: ‘E hòmber akí, ta yená ku spiritu di Dios. Nos lo por haña un otro manera e? Mi n' ta kere!’

Génesis 41:39

El a bisa Jozef: ‘No tin niun hende mas inteligente i mas kapas ku bo, pasobra Dios a laga abo sa tur e kosnan akí.

1 Reinan 3:28

Henter Israel a tende di e sentensia ku rei a duna pa solushoná e pleitu i nan a haña rèspèt di dje, pasobra nan a mira ku Dios a dun'é sabiduria pa e husga ku hustisia.

2 Reinan 17:27

E ora ei rei di Asiria a ordená: ‘Trese un di e saserdotenan ku boso a saka for di nan pais su tera bèk. E mester bai biba serka e hendenan i siña nan kon nan mester sirbi dios di e pais.’

1 Krónikanan 22:12

SEÑOR, bo Dios, lusa bo sintí i duna bo konosementu dia E pone bo goberná Israel, pa bo kumpli ku su lei.

1 Krónikanan 23:4

Di e hòmbernan akí David a nombra 24.000 pa sirbishi di tèmpel, 6000 komo atministradó i hues,

Esdras 10:4

Lanta, pasobra e asuntu akí ta den bo man. Man na obra; nos ta pará bo tras.’

Esdras 6:6

‘Na Tatnai, gobernador di e provinsia parti wèst di riu Eufrat, i na Shetar Boznai i nan koleganan, funshonarionan di gobièrnu parti wèst di riu Eufrat:

Esdras 7:10

Esdras tabatin e firme propósito di studia i praktiká lei di SEÑOR i di siña e israelitanan SEÑOR su leinan i su dekretonan.

Esdras 7:14

Pasobra rei i su shete konseheronan ta manda bo bai hasi un investigashon na Huda i Herusalèm pa weta si aya nan ta sigui lei di bo Dios, e lei di kua bo tin su teksto serka bo.

Nehemías 9:3

Miéntras nan tabata pará na nan lugá, a lesa durante tres ora na bos altu for di e buki di lei di SEÑOR, nan Dios, i durante tres ora mas nan a bùig pa adorá SEÑOR, nan Dios, i nan a rekonosé nan falta.

Salmo 19:7

Lei di SEÑOR ta perfekto, ta duna alma alivio; testimonio di SEÑOR ta fiel, ta hasi bobonan sabí.

Proverbionan 2:6

Pasobra SEÑOR ta duna sabiduria, ta for di su boka komprenshon i konosementu ta sali.

Proverbionan 6:23

Pasobra e mandamentunan akí ta un lampi, e siñansa un lus, i e guia ku korekshon ta duna ta e manera di siña bo biba,

Malakías 2:7

Saserdotenan tin e deber di warda e konosementu di Mi i mester por puntra nan kon tin ku apliká lei, pasobra nan ta mensahero di Ami, SEÑOR di universo.

Mateo 13:52

Hesus a sigui bisa: ‘P'esei un dòktor di lei ku a bira disipel den reino di Dios ta meskos ku un doño di kas ku ta saka kos nobo i kos bieu for di loke e tin na stòk.’

Marko 6:34

Ora Hesus a sali for di e boto, El a mira un multitut grandi i a haña duele di nan, pasobra nan tabata manera karné sin wardadó. El a kuminsá siña nan mashá hopi kos.

Deuteronomio 16:18

Nombra hues i amtenar pa boso tribunan den tur e siudatnan ku SEÑOR, boso Dios, duna boso. Nan mester husga pueblo ku hustisia.

Kolosensenan 1:28

T'É nos ta proklamá, ora nos, yená ku sabiduria, koregí i siña tur hende pa hiba nan na madures den union ku Kristu.

Hakobo 1:5

Si kualke un di boso falta sabiduria, resa pidi Dios i lo E duna bo e, pasobra Dios ta gusta duna tur hende sin límite, sin tira nada na nan kara.