Echonan 5:36 - Beibel na Papiamentu Koriente 2013

³⁶ Un tempu pasá un tal Teudas a lanta ta pretendé di ta mashá kos i un grupo di 400 hende a djòin e. Nan a mat'é, su siguidónan a plama i tur kos a kaba na aros i koko.

Papiamentu Bible 2013

³⁶ Un tempu pasá un tal Teudas a lanta ta pretendé di ta mashá kos i un grupo di 400 hende a djòin e. Nan a mat'é, su siguidónan a plama i tur kos a kaba na aros i koko.

Echonan 5:36 ပူးပေါင်းရင်းမြစ်များ

Mateo 24:24

Hende ku ta pretendé di ta e Mesias i di ta profeta, lo lanta; nan lo mustra señal grandi i hasi milager pa asina desviá asta e eskohidonan di Dios, si ta posibel.

Mateo 24:26

P'esei antó, si nan bisa boso: “Mira, ata e Mesias den desierto”, no bai aya. Òf si nan bisa: “At'É ayaden!”, no kere nan.

Mateo 24:5

Hopi lo bin usa mi nòmber i bisa: “T'ami ta e Mesias!”, i nan lo gaña hopi hende.

Echonan 21:38

Ke men no ta abo ta e tèrsio di Egipto ku un ten pasá a kuminsá un lantamentu i guia kuater mil hòmber di e grupo gueriero sikario pa desierto?’

Echonan 5:35

Despues el a bisa e otronan: ‘Israelitanan, paga tinu kiko boso ta bai hasi ku e hendenan ei.

Echonan 8:9

Den siudat tabatin un hòmber yamá Simon, ku ántes a laga e samaritanonan keda babuká ku su magia. E tabata deklará ku e ta un hende importante.

Galatanan 2:6

Esnan konsiderá di ta lider mes no a duna niun komentario. — Mi ta papia di ‘konsiderá’, pasobra pa mi no ta hasi diferensia si nan ta lider òf nò; Dios no ta husga segun aparensia di hende. —

Galatanan 6:3

Si un hende ta kere ku e ta mashá kos, pero en realidat e no ta nada, e ta gaña su mes.

2 Pedro 2:18

Nan ta blabla kosnan arogante i estúpido, i ta usa mal deseo i un bida inmoral pa gara esnan ku apénas a logra hui di hende ku a desviá den bida.

2 Pedro 2:2

I lo tin hopi ku lo bai tras di nan komportashon inmoral, p'esei hende lo papia malu di e kaminda di bèrdat.

Hudas 1:16

E hendenan akí ta kana murmurá semper i ta malkontentu ku tur kos; nan ta sigui nan mes deseonan. Nan ta papia ku arogansia i ta kalanchá otro hende djis pa nan probechá.

Revelashon 17:3

E angel a hiba mi un desierto pa medio di Spiritu di Dios. Aya mi a mira un muhé sintá riba un bestia kòrá kòrá ku tabata tapá bou di nòmber ku ta blasfemá Dios i ku tabatin shete kabes ku dies kachu.

Revelashon 17:5

Su nòmber tabata skibí riba su frenta, un nòmber ku nifikashon skondí: ‘Bábel, e siudat grandi, mama di tur prostituta i práktika repugnante riba mundu.’