Echonan 5:24 - Beibel na Papiamentu Koriente 2013

²⁴ Ora e saserdotenan importante i e ofisial enkargá ku tèmpel a tende e reportahe, nan a keda kompletamente babuká i no tabata sa mes kiko hasi den e situashon ei.

Papiamentu Bible 2013

²⁴ Ora e saserdotenan importante i e ofisial enkargá ku tèmpel a tende e reportahe, nan a keda kompletamente babuká i no tabata sa mes kiko hasi den e situashon ei.

Echonan 5:24 ပူးပေါင်းရင်းမြစ်များ

Isaías 9:7

Su dominio lo ekspandé infinitamente, l'e trese pas pa semper. L'e sinta riba trono di David i ehersé poder riba su reino, un poder ku e ta establesé i sostené ku derecho i hustisia, for di e momento ei te na kabamentu di tempu. Amor perfekto di SEÑOR soberano ta hasi esei posibel.

Lukas 22:4

Anto el a bai serka e saserdotenan importante i e ofisialnan di tèmpel i a palabrá ku nan kon lo e por a entregá nan Hesus.

Lukas 22:52

Despues El a bisa e saserdotenan importante, e ofisialnan di tèmpel i e ansianonan ku a bini: ‘Boso a sali bini ku sabla i chikoti manera ta un bandidu Mi ta.

Huan 12:19

E ora ei e fariseonan a bisa otro: ‘Boso no ta mira ku boso no ta logra nada? Ata henter mundu ta kana su tras!’

Echonan 2:12

Nan tur a keda asombrá; nan no tabata sa kiko pensa. Nan tabata puntra otro: ‘Kiko esaki ta nifiká?’

Echonan 4:1

Miéntras Pedro i Huan tabata papia ku e pueblo, e saserdotenan, e kapitan di guardia di tèmpel i e saduseonan a baha bini riba nan.

Echonan 4:21

Ora nan a kontestá asina, Konseho Supremo a bolbe prohibí nan i a laga nan bai. Nan no por a kastigá nan, pa motibu di e pueblo; tur hende tabata duna Dios gloria pa loke a pasa.

Echonan 5:23

‘Nos a haña prizòn duru será na yabi i tur e wardadónan di prezu pará na e portanan ta vigilá. Ma ora nos a habri, nos no a haña niun hende paden!’

Echonan 5:25

Un hende a drenta paden i bisa nan: ‘E hòmbernan ku boso a sera ta pará den tèmpel ta siña e hendenan!’

Echonan 5:26

E ora ei e ofisial enkargá ku tèmpel i su hendenan a bai kohe e apòstelnan bini kuné, sin usa violensia, pasobra nan tabatin miedu pa e pueblo no piedra nan.