Echonan 15:9 - Beibel na Papiamentu Koriente 2013

⁹ E no a hasi niun distinshon entre nan ku nos, pasobra El a deklará ku nan ta puru pa medio di nan fe.

Papiamentu Bible 2013

⁹ E no a hasi niun distinshon entre nan ku nos, pasobra El a deklará ku nan ta puru pa medio di nan fe.

Echonan 15:9 ပူးပေါင်းရင်းမြစ်များ

Salmo 51:10

Krea den mi un kurason, Dios, ku ta limpi, hinka un spiritu nobo i fiel den mi paden.

Ezekiel 47:22

Den e partimentu pa medio di tira lòt ei boso mester tene kuenta tambe ku e strañeronan ku ta biba meimei di boso i ku a haña yu den boso pais. Nan ta konta pa boso komo konsiudadano i ta haña nan mes propiedat serka e tribunan di Israel.

Echonan 10:15

El a tende e stèm pa di dos bia: ‘Loke Dios a deklará puru, abo no mester konsiderá impuru.’

Echonan 10:28

Pedro a bisa nan: ‘Boso sa ku ta prohibí pa un hudiu anda ku un hende no hudiu òf bishit'é. Ma ami Dios a mustra ku mi no mester konsiderá niun hende indigno òf impuru.

Echonan 10:34

Pedro a tuma palabra i bisa: ‘Enberdat! Awor mi ta komprondé ku Dios no ta hasi distinshon di persona,

Echonan 11:12

Spiritu Santu a bisa mi pa mi bai ku nan sin basilá. E seis rumannan akí a kompañá mi pa Sesarea i nos tur a drenta kas di Kornelio.

Echonan 14:1

Na Ikonio a sosodé meskos: Pablo i Barnabas a bai snoa i papia di tal manera, ku un kantidat grandi di tantu hudiu komo no hudiu a kere.

Echonan 14:27

Ora nan a yega, nan a reuní ku e iglesia i konta tur loke Señor a hasi dor di nan i kon El a habri porta pa e no hudiunan tambe yega na fe.

Romanonan 3:22

Dios ta aseptá tur hende pa medio di fe den Hesu-Kristu. Esei ta konta pa tur hende ku kere den Kristu, sin distinshon.

Romanonan 3:9

Kiko antó? Akaso nos komo hudiu tin privilegio riba otro hende ora Dios ta husga? Sigur ku nò! Pasobra ya mi a mustra kaba ku tur tur hende, tantu hudiu komo no hudiu, ta den gara di piká.

Romanonan 9:24

Ta nos mi ke men! Dios a yama nos, no solamente esnan for di pueblo hudiu, pero tambe e otronan for di e pueblonan no hudiu.

1 Korintionan 1:2

na e iglesia di Dios na Korinte, na tur esnan yamá pa ta Dios su pueblo santu, na esnan ku ta pertenesé n'E den union ku Kristu-Hesus. E karta akí ta dirigí tambe na tur esnan ku tur kaminda ta invoká nòmber di nos Señor Hesu-Kristu, ku ta nan Señor i nos Señor.

1 Korintionan 7:18

Esun ku tabata sirkunsidá dia el a risibí Señor su yamada, no mester purba tapa e sirkunsishon. Esun ku no tabata sirkunsidá, no mester laga sirkunsid'é.

Galatanan 3:28

Awor no tin kuenta di hudiu òf no hudiu, katibu òf hende liber, hende hòmber òf hende muhé, pasobra boso tur ta ún dor di boso union ku Kristu-Hesus.

Galatanan 5:6

Pasobra serka siguidónan di Kristu-Hesus no ta importante si un hende ta sirkunsidá òf nò. Ta e fe ku ta funshoná pa medio di amor ta konta.

Efesionan 3:6

Anto esaki ta loke tabata skondí: ku esnan ku no ta hudiu, pa medio di predikamentu di e bon notisia i di nan union ku Kristu, huntu ku nos, ku ta hudiu, ta tuma parti na e mesun herensia, ta bira miembro di e mesun kurpa i ta risibí e mesun promesa di Dios.

Kolosensenan 3:11

Esei ta trese kuné ku no ta importá si un hende ta hudiu òf no hudiu, sirkunsidá òf no-sirkunsidá, strañero, sin sivilisashon, katibu òf liber, pero loke ta importá ta Kristu, ku ta den nan tur.

1 Pedro 1:22

Boso a purifiká boso alma dor di obedesé e bèrdat i asina boso por stima otro manera ruman ku un amor sinsero; p'esei anto stima otro ku un kurason puru.