Deuteronomio 6:5 - Beibel na Papiamentu Koriente 2013

⁵ Stima SEÑOR, bo Dios, di henter bo kurason, ku henter bo alma i henter bo kurpa.

Papiamentu Bible 2013

⁵ Stima SEÑOR, bo Dios, di henter bo kurason, ku henter bo alma i henter bo kurpa.

Deuteronomio 6:5 ပူးပေါင်းရင်းမြစ်များ

1 Reinan 3:3

Salomon tabata mustra su amor pa SEÑOR dor di kumpli ku e reglanan di su tata David; sinembargo e tambe tabatin kustumber di ofresé sakrifisio i kima sensia riba e seritunan ei.

2 Reinan 23:25

Manera Yosías no tabatin niun rei, ni promé kuné ni despues di dje, ku di henter su alma i di henter su kurason i ku tur su forsa a dediká su mes na SEÑOR segun henter e lei di Moises.

2 Krónikanan 15:12

Nan a renobá e aliansa ku Dios a sera ku nan antepasadonan. Nan a primintí bou di huramentu ku nan lo busk'É di henter nan kurason i ku henter nan alma

2 Krónikanan 34:31

Despues rei a bai para na su lugá di kustumber i a sera un aliansa dilanti di SEÑOR. El a primintí ku nan lo sigui SEÑOR, ku nan lo obedesé su mandamentunan, su dekretonan i su leinan fielmente i di henter nan kurason i ku nan lo biba segun e kondishonnan di e aliansa ku ta skibí den e buki.

Salmo 119:2

Felis esnan ku ta warda su preseptonan i ta busk'É di kurason,

Salmo 31:24

Tuma kurashi, sin temor den kurason, boso tur ku ta spera den SEÑOR!

Mateo 10:37

Esun ku stima su mama òf su tata mas ku Mi, no ta digno di pertenesé na Mi; esun ku stima su yu hòmber òf su yu muhé mas ku Ami, no ta digno di pertenesé na Mi.

Mateo 22:37

Hesus a kontest'é: ‘ “Stima Señor, bo Dios, di henter bo kurason, ku henter bo alma i ku henter bo mente.”

Marko 12:30

Stima Señor, bo Dios, di henter bo kurason, ku henter bo alma, ku henter bo mente, i ku tur bo forsa.”

Marko 12:33

Ta asina ku hende mester stima Dios di henter su kurason, ku henter su komprondementu i ku tur su forsa. Tambe e mester stima su próhimo manera e ta stima su mes. E kosnan akí ta muchu mas importante ku sakrifisio di kandela i otro sakrifisio.’

Lukas 10:27

El a bisa Hesus: ‘ “Stima Señor, bo Dios, di henter bo kurason, ku henter bo alma i ku tur bo forsa” i “Stima bo próhimo manera bo ta stima bo mes.” ’

Deuteronomio 10:12

Ke men antó, Israel, ku SEÑOR, boso Dios, no ta pidi nada otro di boso ku no ta tene rèspèt di djE, sigui e kaminda ku E ta mustra boso, stim'É, sirbiÉ ku henter boso alma i ku henter boso kurason

Deuteronomio 11:1

Stima SEÑOR, boso Dios, sigui su òrdunan i kumpli ku su leinan, reglanan i mandamentunan tur dia bai.

Deuteronomio 11:13

Si boso obedesé kuidadosamente e mandamentunan ku mi ta duna boso awe, boso keda fiel na SEÑOR, boso Dios, sirbiÉ ku henter boso kurason i henter boso alma,

Deuteronomio 13:4

Sigui SEÑOR, boso Dios, tene rèspèt di djE, kumpli ku su mandamentunan, obedesé su stèm; sirbiÉ i keda fiel n'E.

Deuteronomio 19:9

SEÑOR lo hasi boso teritorio mas grandi si boso kumpli ku tur e mandamentunan ku mi ta duna boso awe, esta ku boso keda fiel na SEÑOR, boso Dios, i sigui semper e kaminda ku E ta mustra boso.

Deuteronomio 30:10

Solamente boso mester tende di SEÑOR, boso Dios, i kumpli ku su mandamentunan i leinan ku ta pará den e buki akí. Boso mester bolbe serka SEÑOR, boso Dios, ku henter boso alma i ku henter boso kurason.

Deuteronomio 30:16

Mi ta ordená boso awe pa stima SEÑOR, boso Dios, sigui e kaminda ku E ta mustra boso i kumpli ku su mandamentunan, leinan i reglanan. Si boso hasi esei boso lo biba i bira numeroso i SEÑOR, boso Dios, lo bendishoná boso na e pais ku boso ta bai tuma komo propiedat.

Deuteronomio 30:20

Stima SEÑOR, boso Dios, tende di djE i ked'É fiel. Pasobra di esei ta dependé si boso lo keda na bida òf biba den e pais ku SEÑOR a primintí boso antepasadonan Abraham, Isak i Yakob solemnemente.’

Deuteronomio 30:6

SEÑOR, boso Dios, lo sirkunsidá boso kurason i kurason di boso desendientenan meskos ku boso ta sirkunsidá na kurpa, di manera ku boso lo stim'É ku henter boso alma i ku henter boso kurason. E ora ei boso lo keda na bida.

Deuteronomio 4:29

Aya boso lo buska SEÑOR, boso Dios. Si boso busk'É ku henter boso alma i ku henter boso kurason, boso lo hañ'É.

Yozue 22:5

Pero kòrda kumpli presis ku e mandamentunan i e lei ku Moises, sirbidó di SEÑOR, a duna boso: stima SEÑOR, boso Dios, kana den su kaminda, obedesé su mandamentunan, siguiÉ kompletamente i sirbiÉ ku henter boso kurason i henter boso alma.’

1 Huan 5:3

Pasobra stima Dios ke men kumpli ku su mandamentunan. Anto su mandamentunan no ta un peso pa nos,