Daniel 6:8 - Beibel na Papiamentu Koriente 2013

⁸ Saka e dekreto ei, mahestat, i hasié irevokabel manera tur otro lei di Media i Persia, di manera ku no por hal'é aden.’

Papiamentu Bible 2013

⁸ Saka e dekreto ei, mahestat, i hasié irevokabel manera tur otro lei di Media i Persia, di manera ku no por hal'é aden.’

Daniel 6:8 ပူးပေါင်းရင်းမြစ်များ

Ester 1:19

Si ta na agrado di rei, laga saka un dekreto real ku ta bisa ku nunka mas reina Washti no tin mag di presentá dilanti di rei Xèrxès i ku rei lo duna honor di reina na un otro muhé ku mas ta meresé e puesto. Laga skibi e dekreto akí huntu ku e otro leinan di Persia i Media, pa nunka e no kambia.

Ester 3:12

Riba e di diestres dia di e promé luna a manda yama tur e sekretarionan di rei i konforme e òrdu di Haman a manda karta pa funshonarionan altu di rei, pa e gobernadornan di kada estado i pa e hefenan di kada pueblo; kada provinsia a haña un karta segun su mes sistema di skibi i kada pueblo na su mes idioma. E tabata skibí na nòmber di rei Xèrxès i e tabata seyá ku e seyo di su renchi.

Ester 8:10

Mordekai a laga skibi e kartanan na nòmber di rei Xèrxès i seya nan ku renchi di rei. Despues el a manda mensaheronan riba kabai di rasa, kriá den e stalnan di rei, hiba e kartanan purá.

Ester 8:3

Despues Ester a bolbe papia ku rei. El a benta su mes na pia di rei i ku awa na wowo el a rog'é pa hasi algu pa stroba e plan horibel ku Haman, desendiente di Agag, a traha pa kaba ku hudiunan.

Ester 8:8

Awor mi ta outorisá boso pa skibi loke boso ke na fabor di hudiunan. Hasié den mi nòmber i seya e kartanan ku mi renchi. Boso sa ku no por anulá un karta ku ta skibí na nòmber di rei i ku ta karga seyo di rei.’

Salmo 94:21

Nan ta atentá kontra bida di hustunan, ta kondená inosentenan na morto.

Isaías 10:1

Ai di esnan ku ta saka leinan inhustu i ta publiká dekretonan intolerabel.

Daniel 5:28

“PARSIN”: Lo parti reino di su mahestat na pida pida i entreg'é na e pueblo di Media i Persia.’

Daniel 6:12

Mesora nan a aserká rei pa kòrd'é riba e dekreto. Nan a bisa: ‘No t'asina ku su mahestat a saka un dekreto ku mester benta tur hende den kueba di leon, ku durante e próksimo trinta dianan dirigí un petishon na kualke dios o na kualke hende ku no ta su mahestat?’ Rei a kontestá: ‘Sí, i e ta irevokabel manera tur otro lei di Media i Persia.’

Daniel 6:15

E ora ei e enemigunan di Daniel a pone preshon riba rei i a bisa: ‘Kòrda bon, mahestat, esaki ta un lei di Media i Persia. No por kambia ningun dekreto o regla ku rei a saka.’

Mateo 24:35

Shelu i tera sí lo pasa bai, ma mi palabranan nò!