2 Samuel 3:8 - Beibel na Papiamentu Koriente 2013

⁸ Abner a rabia mashá, pasobra Ish-Boshèt a reklam'é i el a kontest'é: ‘Akaso bo por a mira mi pa un kachó muhé ku ta lastra ku Huda? Ainda mi ta fiel na famia real di Saul, bo tata, na su ruman- i su amigunan. Mi no a laga bo kai den man di David. Anto awor bo ta akusá mi di tabatin algu ku e muhé ei?

Papiamentu Bible 2013

⁸ Abner a rabia mashá, pasobra Ish-Boshèt a reklam'é i el a kontest'é: ‘Akaso bo por a mira mi pa un kachó muhé ku ta lastra ku Huda? Ainda mi ta fiel na famia real di Saul, bo tata, na su ruman- i su amigunan. Mi no a laga bo kai den man di David. Anto awor bo ta akusá mi di tabatin algu ku e muhé ei?

2 Samuel 3:8 ပူးပေါင်းရင်းမြစ်များ

2 Samuel 16:9

E ora ei Abishai, yu hòmber di Seruya, a bisa rei: ‘Ki mishi e kachó morto akí ta maldishoná rei! Laga mi pasa pa mi kap su kabes kita afó.’

2 Samuel 2:8

Pero Abner, yu di Ner, hefe di e ehérsito di Saul, a bai ku Ish-Boshèt, un yu di Saul, i a hib'é Mahanaim,

2 Samuel 3:18

E momento di aktua a yega, pasobra SEÑOR a primintí David ku lo E usa David pa salba su pueblo Israel for di dominio di e filisteonan i di tur su otro enemigunan.’

2 Samuel 3:9

Dios kastigá mi mal kastigá si mi no sòru pa David haña loke SEÑOR a primintié solemnemente,

2 Samuel 5:2

For di tempu Saul tabata nos rei, ya bo tabata esun ku tabata bai guera ku Israel i bini bèk. Ademas SEÑOR a primintí ku t'abo lo ta wardadó i gobernador di su pueblo, Israel.’

2 Samuel 9:8

Pero Mefiboshèt a bùig i a bisa: ‘Ta ken mi ta ku su mahestat ta preokupá pa un kachó morto manera mi?’

2 Reinan 8:13

Hazael a kontestá: ‘Pero ta ken mi ta! Bo ta kere un kachó barata manera mi por hasi un kos grandi asina?’ Eliseo a kontestá: ‘SEÑOR a laga mi mira ku bo ta bira rei di Aram.’

Salmo 76:10

Hende, pa rebelde k'e por ta, mester rekonosé Bo, esnan ku a skapa di e kastigu na final ta rondoná Bo.

Isaías 37:23

Bo sa ken bo a ofendé i insultá? Bo sa kontra ken bo a alsa bos i ken bo a wak ku despresio? Ta e Dios Santu di Israel!

Deuteronomio 23:18

No mag entregá e sèn ku nan a gana ku e prostitushon akí, na santuario di SEÑOR, boso Dios, pa kumpli ku un òf otro promesa. Pasobra práktika asina ta repugná SEÑOR, boso Dios.

1 Samuel 15:28

Samuel a bisa Saul: ‘Di e manera akí SEÑOR a sker kita reino di Israel awe for di bo pa duna un otro ku ta mihó ku bo.

1 Samuel 17:43

E filisteo a puntra David: ‘Ta un kachó mi ta, ku bo ta bin ataká mi ku chikoti?’ I el a maldishoná David den nòmber di su diosnan.