2 Samuel 19:9 - Beibel na Papiamentu Koriente 2013

⁹ Den tur e tribunan di Israel e hendenan tabata pleita ku otro. Nan tabata bisa: ‘Rei a salba nos for di poder di nos enemigunan, t'e a salba nos for di poder di e filisteonan. I awor el a hui sali for di pais pa skapa for di man di Absalon;

Papiamentu Bible 2013

⁹ Den tur e tribunan di Israel e hendenan tabata pleita ku otro. Nan tabata bisa: ‘Rei a salba nos for di poder di nos enemigunan, t'e a salba nos for di poder di e filisteonan. I awor el a hui sali for di pais pa skapa for di man di Absalon;

2 Samuel 19:9 ပူးပေါင်းရင်းမြစ်များ

2 Samuel 15:14

E ora ei David a bisa tur su òfisirnan ku tabata serka dje na Herusalèm: ‘Ban, laga nos hui, sino niun di nos no ta skapa for di man di Absalon. Ban purá pasobra den un ratu di tempu e ta alkansá nos, kousa nos desgrasia i mata tur hende den siudat.’

2 Samuel 18:17

Nan a kohe Absalon i bent'é den un buraku grandi den e mondi. Riba e buraku nan a pone un enorme monton di piedra. Tur e sòldánan di Israel a hui bai nan kas.

2 Samuel 19:10

pero Absalon, ku nos a konsagrá rei riba nos, a muri den bataya. Di kon boso no ta disidí antó di laga rei bini bèk?’

2 Samuel 19:40

Rei a sigui bai Guilgal i Kimham a bai kuné. Tur e hendenan di Huda i mitar di e hendenan di Israel a yuda rei pasa e riu.

2 Samuel 22:44

Bo a libra mi di e rebeldia di mi pueblo bo a warda mi na kabes di nashonnan, pueblonan di hende deskonosí a pone nan mes na mi sirbishi.

2 Samuel 5:20

David a yega Baal-Perasim i derotá e filisteonan. E ora ei el a bisa: ‘SEÑOR a bai mi dilanti i habri paso kontra mi enemigunan manera awa ta habri su kaminda.’ P'esei a yama e lugá ei: Baal-Perasim: SEÑOR ta habri kaminda.

Salmo 18:43

Bo a libra mi di un pueblo rebelde, Bo a hasi mi kabes di nashonnan, pueblonan deskonosí ta sirbi mi;

Éksodo 32:24

E ora ei mi a bisa nan: “Es ku tin oro, rank'é for di su kurpa tres'é pa mi!” Nan a duna mi e oro, mi a tir'é den kandela i ta e toro akí ta e resultado.’

1 Samuel 17:50

Asina David a vense e filisteo ku un slengu i e piedra. Sin spada den su man el a dal e filisteo mata.

1 Samuel 18:25

Saul, ku intenshon di laga David muri na man di e filisteonan, a bisa su sirbidónan: ‘Bisa David pa na lugá di duna rei e dote, e hiba prepusio di 100 filisteo p'e pa di e manera ei e tuma vengansa riba su enemigunan.’

1 Samuel 19:5

El a pone su bida na peliger matando e filisteo, i SEÑOR a libra henter Israel. Su mahestat mes a mira i a keda mashá kontentu. Pakiko su mahestat ke kita bida di un inosente, pakiko mata David sin motibu?’