1 Tesalonisensenan 2:1 - Beibel na Papiamentu Koriente 2013

¹ Pues, rumannan, boso mes sa ku nos bishita serka boso no tabata enbano.

Papiamentu Bible 2013

¹ Pues, rumannan, boso mes sa ku nos bishita serka boso no tabata enbano.

1 Tesalonisensenan 2:1 ပူးပေါင်းရင်းမြစ်များ

Job 39:16

E ta mama kurason duru pa su yunan; e ta trata nan manera yu straño i no ta import'é ku el a pone webu por nada,

Salmo 127:1

Si n' ta SEÑOR ta traha e kas, trahadónan ta traha pòrnada. Si n' ta SEÑOR ta warda siudat, guardia ta warda enbano.

Salmo 73:13

Ai, ta pòrnada antó mi a tene mi konsenshi limpi, mi a laba man den inosensia,

Isaías 49:4

Pero m'a pensa: ‘M'a púluwe enbano, gasta tur mi energia sin logra nada. Sinembargo SEÑOR lo ta hustu ku mi i rekompensá mi esfuerso.’

Isaías 65:23

Nan no ta púluwe pòrnada i muhénan no ta haña yu pa mira nan muri diripiente. Mi pueblo nan ta, Mi ta bendishoná nan, nan mes i nan yunan tambe.

Habakuk 2:13

SEÑOR Soberano lo sòru pa loke pueblo- i nashonnan henter a kansa i mata kurpa p'e, resultá esfuerso enbano, djis kuminda pa kandela.

1 Korintionan 15:10

Pero danki na grasia di Dios mi ta e hende ku mi ta. E no a mustra mi su bondat enbano; al kontrario, mi a traha mas duru ku nan tur; no ami mes, pero Dios ku den su bondat a yuda mi.

1 Korintionan 15:2

I ta pa medio di e bon notisia ei boso lo haña salbashon, basta boso tene duru na e mensahe manera ami a predik'é na boso. Sino ta enbano boso a bini na fe.

1 Korintionan 15:58

P'esei anto, rumannan stimá, para firme sin tambaliá, mira pa boso destaká semper den boso trabou pa Señor, pasobra boso sa ku e trabou ku boso ta hasi den union ku Señor, no ta enbano.

2 Korintionan 6:1

Komo kolaboradó di Dios nos ta hasi un apelashon na boso pa no laga e grasia ku boso a haña di Dios resultá enbano.

Galatanan 2:2

Mi a bai pasobra Dios a indiká mi esei. I den un reunion privá ku esnan konsiderá kabes di iglesia na Herusalèm, mi a splika kontenido di e bon notisia ku mi ta prediká na esnan no hudiu. Mi a hasi esei pa mi sa si mi trabou, sea den pasado òf presente, no ta enbano.

Galatanan 4:11

Mi tin miedu ku e trabou duru ku mi a traha na boso benefisio, tabata enbano!

Filipensenan 2:16

segun ku boso ta ofresé nan e palabra di bida. Asina mi por ta orguyoso dia di Kristu su binida, ya e ora ei lo mi no a kore ni traha enbano.

1 Tesalonisensenan 2:13

I p'esei mes nos ta gradisí Dios semper, pasobra tempu boso a risibí e mensahe di Dios fo'i nos boka, boso a konsider'é di ta berdadero palabra di Dios i no di hende. Ta e palabra di Dios ei ta duna resultado den bida di boso ku ta kreyente.

1 Tesalonisensenan 3:5

P'esei ami personalmente, ora mi no por a wanta mas, a manda informá kon ta bai ku boso fe. Mi tabatin miedu pa e tentadó no laga boso kai den tentashon i laga nos trabou resultá enbano.

2 Tesalonisensenan 1:10

Esei lo sosodé riba e dia ku Señor lo bini pa su pueblo santu honr'É i pa tur kreyente atmir'É. Boso tambe lo ta den nan, pasobra boso a kere e testimonio ku nos a duna boso.

2 Tesalonisensenan 3:1

Pa terminá, rumannan, resa pa nos, pa meskos ku serka boso, e palabra di Señor sigui plama lihé i pa e hendenan risibié ku honor.