1 Samuel 23:1 - Beibel na Papiamentu Koriente 2013

¹ Un dia David a haña notisia ku e filisteonan tabata ataká siudat Keila i ku nan tabata hòrta e trigo ku e habitantenan a kaba di bencha.

Papiamentu Bible 2013

¹ Un dia David a haña notisia ku e filisteonan tabata ataká siudat Keila i ku nan tabata hòrta e trigo ku e habitantenan a kaba di bencha.

1 Samuel 23:1 ပူးပေါင်းရင်းမြစ်များ

Daniel 2:35

Mesora henter e estatua a kibra na filingrana; e heru, e klei, e bròns, e plata i e oro a keda manera bagas ku bientu ta karga bai kuné, ora bati maishi den tempu di kosecha. No a sobra nada. Pero e piedra ku a dal e estatua a bira un seru grandi, ku a tapa henter mundu.

Levítiko 26:16

wak kon lo Mi trata boso: pa spanta boso lo Mi manda malesa inkurabel i keintura altu ku lo suak boso bista i laga boso seka na bida. Boso lo sembra kunuku pòrnada, pasobra ta boso enemigunan lo kome loke nan produsí.

Mikéas 6:15

Boso lo pèrs oleifi sí, pero boso lo no haña oportunidat pa usa e zeta pa boso konsagrashon; boso lo pèrs wendrùif sí, pero boso lo no haña oportunidat pa bebe e biña.

Deuteronomio 28:33

Un nashon ku boso no tin nada di aber kuné, lo gosa di e kosecha ku boso a mata kurpa riba dje. Kontinuamente nan lo oprimí i maltratá boso.

Deuteronomio 28:51

Nan lo tuma boso bestianan i boso kosechanan hasi di nan, i boso lo muri di hamber. Nan lo no laga nada pa boso, ni trigo, ni biña, ni zeta, ni bisé, ni lamchi di karné òf di kabritu, di manera ku boso ta kaba na nada.

Yozue 15:44

Keila, Akzib i Maresha, esta 9 siudat i nan pueblonan.

Huesnan 6:11

Despues Angel di SEÑOR a yega i a bai sinta bou di e palu grandi di ekel na Ofra, propiedat di Yoash. Yoash tabata desendiente di Abiezèr. Gideon, yu di Yoash, tabata bati trigo den e baki di traha biña. E no tabata ke pa e trigo kai den man di e midianitanan.

Huesnan 6:4

Nan tabata lanta nan kampamentu den e teritorio di Israel i destruí kosecha te na e region di Gaza. Nan no tabata laga ni karné ni baka ni buriku ni kuminda pa e israelitanan.